Aİ ilə viza rejiminin sadələşdirlməsi kimlərə aiddir?

Azərbaycan Xarici İşlər Nazirliyi  ölkənin Avropa İttifaqı ilə viza rejiminin sadələşdirilməsi haqqında sazişin sentyabrın 1-dən qüvvəyə minməsi ilə əlaqədar məlumat yayıb.

Əsasən 1 ildən 5 ilədək müddətdə bir neçə dəfə səfərlər üçün uzunmüddəti vizaların sadələşdirilməsi qaydalarını müəyyən edir.

Bu vizaları aşağıdakı şəxslər ala bilər:

- Hər iki ölkə ərazisində qanuni əsaslarla yaşayan vətəndaşlar, onların həyat yoldaşları, 21 yaşınadək uşaqlar;

-  Rəsmi nümayəndə heyətlərinin daimi üzvləri, məsləhətləşmələrin, danışıqların, təhsil proqramlarının iştirakçıları, tədbirlərə müntəzəm gedən şəxslər;

1 il müddətinə bir neçə dəfəlik  viza əvvəlki il ərzində heç olmasa bir dəfə viza alan və gediş qaydalarını pozmayan şəxslərə verilir:

-  Mübadilə proqramlarında iştirak edən tələbələr və doktorantlar;

-  Jurnalistlər, onları müşayiət edən texniki heyət;

-  Elmi və mədəni proqramların iştirakçıları;

-  Azərbaycanla Aİ ölkələri arasında sərnişin və yük daşımalarını həyata keçirən  sürücülər;

- Müalicəyə gedən şəxslər və onları müşayiət edən şəxslər;

- Seminarlarda, konfranslarda iştirak edən vətəndaş cəmiyyətinin nümayəndələri;

- Beynəlxalq idman yarışlarının iştirakçıları;

- Rəsmi nümayəndə heyətlərinin üzvləri;

- Biznesmenlr, kommersiya təşkilatlarının nümayəndələri.

Sözügedən şəxslər 90 gün müddətinə sadələşdirilmiş vizanı 180 gün müddətində işgüzar səfər məqsədilə və ya üzrlü səbəbə (müalicə, dəfn) görə ala bilər, amma turizm məqsədilə ala bilməz. Vizaya görə ödəniş haqqı 60 avrodan 35 avroyadək azaldılıb.

Vizalara baxılması 10 təqvim günündə nəzərdə tutulub. Zərurət olarsa bu müddət 30 günədək uzadıla bilər.

Saziş Danimarka, Böyük Britaniya və İrlandiya, həmçinin İslandiya,Norveç, İsveçrə və Lixtenşteynə şamil edilmir.—1606D-