![Aİ Ukraynaya bu ilin sonuna qədər vizasız rejimi təmin etməyi vəd edir](https://turan.az/resized/750/500/resize/media/2016/main/112400175850.jpg)
Aİ Ukraynaya bu ilin sonuna qədər vizasız rejimi təmin etməyi vəd edir
Ukrayna vətəndaşları ən yaxın zamanda Aİ ölkələrinə vizasız gedə biləcəklər. Avropa İttifaqının liderləri Ukrayna prezidenti Poroşenkoya qalan məsələləri bu ilin sonuna qədər həll etməyi vəd ediblər.
Avropa Komissiyasının sədri Jan-Klod Yunker və Avropa Şurasının sədri Donald Tusk Ukrayna vətəndaşları üçün viza rejiminin tezliklə ləğv olunacağını gözləyirlər.
Ukrayna qarşısına qoyulmuş bütün şərtləri yerinə yetirib, deyə Yunker noyabrın 24-də Brüsseldə Aİ-Ukrayna sammitində bildirib. O, ukraynalıların bu ilin sonuna qədər Aİ ölkələrinə 90 günə qədər vizasız səfər edə biləcəklərindən əmin olduğunu bildirib.
Donald Tusk öz növbəsində qeyd edib ki, Ukrayna Aİ ilə viza rejiminin ləğvi üçün "ev tapşırığını" yerinə yetirib, yalnız kütləvi sui-istifadələr olarsa vizasız rejimi ləğv etməyə imkan verəcək "təhlükəsizlik mexanizminin" detallarını razılaşdırmaq qalıb. Tusk hələ bu il Avropa Parlamenti ilə müvafiq razılaşma əldə olunacağına ümid etdiyini deyib.
Bu arada, Petr Poroşenko Aİ-nin 45 milyon ukraynalıya verilmiş vədi yerinə yetirməyə çağırıb. O qeyd edib ki, bu, planlaşdırılan viza rejiminin ləğvi ilə bağlı ölkəsinə qarşı heç bir yeni tələb irəli sürülməyən ilk Aİ-Ukrayna sammitidir.
Dünən Aİ ölkələrinin səfirləri gündəlik məsləhətləşmələr zamanı təhlükəsizlik mexanizmi üzrə güzəştli təklifi müzakirə ediblər. Bir diplomatın sözlərinə görə, bir sıra ölkələr, o cümlədən Almaniya, Fransa, İtaliya və Belçika bu mexanizmin praktik olaraq həyata keçirilməsi ilə bağlı "tənqidi məsələlər" irəli sürüblər. Eyni zamanda, Polşa və Baltika ölkələri qalan məsələlərin tezliklə həll edilməsində israr ediblər. -02D-
-
- İqtisadiyyat
- 25 Noyabr 2016 10:48
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz