Maliyyə Bazarlarına Nəzarət Palatasının vəzifələrindən biri əmanətlərin davamlı və səmərəli sığortasının hazırlanmasıdır, deyə Maliyyə Bazarlarına Nəzarət Palatasının Direktorlar Şurasının sədri Rüfət Aslanlı bildirib.
Turan-ın məlumatına görə, bank forumunda çıxış edən Rüfət Aslanlı deyib ki, görülən tədbirlər nəticəsində 2016-cı ilin iyununda bank sektoruna etimad bərpa olunub.
O deyib ki, 2016-cı ilin iyununda depozit həcmi artmağa başlayıb. Son 3 ayda bu artım 2016-cı ildəki azalmanı bir qədər kompensasiya edib.
«Oktyabr-noyabrda depozitlər bir qədər azalıb. İndi analiz edirik, bu azalma bank sektoruna etimadla bağlıdır, yoxsa əhali gəlirləri azaldığı üçün depoziti istehlaka yönəldir?», deyə o qeyd edib.
O deyib ki, bankların likvidliyi problemi aktuallaşıb.
«Mərkəzi Bankla birgə banklara likvidlik dəstəyi mexanizmi hazırlamışıq. Hazırda bu mexanizm bir neçə banka tətbiq olunub və işlək mexanizmdir», deyə R.Aslanlı bildirib. –71D-
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz