Açiq mənbələrdən foto.
AİHM Azərbaycandan 6 şikayət üzrə qərarlarını elan edəcək
Bakı/08.01.20/Turan: Avropa İnsan Hüquqları Məhkəməsi (AİHM) yanvarın 14-də Azərbaycandan 2013-2017-ci illərdə göndərilmiş altı ərizə üzrə qərarlarını elan edəcək, bu barədə hüquqşünas Xalid Ağaliyev bildirib.
Bu işlər üzrə ərizəçilər Yadigar Sadıqlı, Cabbar Savalanlı, Turan İbrahim, Məmməd Qurbanov, Nadir Məmmədov və Fariz Məmmədovdur.
Müsavat Partiyasının üzvü Yadigar Sadıqlı 2013-cü ildə xuliqanlıq ittihamı ilə həbs edilib və 6 il müddətinə azadlıqdan məhrum edilib. Beynəlxalq hüquq müdafiə təşkilatları müxalif siyasətçiyə qarşı cinayət işini qondarma sayıblar və onu “vicdan məhbusu” kimi tanıyıblar.
Şikayət məhkəmə prosesi zamanı onun dəmir qəfəsdə saxlanılması ilə bağlı verilib. Bu, Avropa İnsan Hüquqları Konvensiyasının 3-cü (işgəncələrin və qeyri-insani rəftarın qadağan edilməsi) maddəsinə ziddir.
Digər bir iş Naxçıvanlı sahibkar Məhəmməd Qurbanov və onun kürəkəni Nadir Məmmədovun şikayəti ilə bağlıdır. Onlar 2013-cü ildə NMR-in gömrük əməkdaşları tərəfindən zorakılığa məruz qaldıqlarını qeyd edirlər. Amma Qurbanov və Məmmədov polisə şikayət etdikdən sonra onları həbs ediblər və dövlət məmurlarına qarşı müqavimət və zorakılıq göstərmək ittihamı ilə mühakimə ediblər.
Ərizəçilər qeyd ediblər ki, vəkil xidmətindən istifadə imkanları olmayıb və buna görə ədalətli məhkəmə təhqiqatı hüquqları pozulub.
Müxalif fəallar Turan İbrahim və Cabbar Savalanlı da ədalətli məhkəmə təhqiqatı hüququnun pozulmasından şikayət edirlər, belə ki, inzibati həbs zamanı istədikləri vəkil tərəfindən müdafiə olunmaq imkanından məhrum olublar.
Fariz Məmmədov qanunsuz narkotik dövriyyəsi ittihamı ilə qanunsuz təqibindən və Azərbaycan məhkəmələrinin onun işi üzrə qərarlarının ədalətsizliyindən şikayət edib.
AİHM-ə müraciət etdikdən sonra ərizəçi vəfat edib və indi iş üzrə şikayətçi onun anasıdır. -16D06-
Siyasət
-
Mayın 15-də Azərbaycan Xalq Cəbhəsi Partiyasının fəalı Elxan Əliyev Umbaki təcridxanasıda quru aclıq aksiyası elan edib.
-
Mayın 16-da Avropa İnsan Haqları Məhkəməsi Azərbaycanla bağlı 3 yeni qərar və qərardadını elan edib.
-
Bu gün Gəncə Apellyasiya Məhkəməsində demokratik.az saytının rəhbəri Osman Nərimanoğlunun (Rzayev) 6,5 il müddətinə azadlıqdan məhrum edilməsi haqqında hökmdən verilmiş şikayətə baxılması başa çatıb.
-
Ədliyyə Nazirliyinin Baş Tibb İdarəsi Ələsgər Məmmədlidən aprelin 26-da götürülən təhlilin nəticələri haqqında məlumat verib.
Rəy yaz