Bakı/22.09.17/Turan: Bakı 1 saylı İstintaq Təcridxanasında saxlanılan AXCP sədrinin müavini Gözəl Bayramlı Avropa İnsan Hüquqları Məhkəməsinin (AİHM) qərarı ilə ona ödəniləcək pul kompensasiyasını ala bilmir. Bunu Turan-a vəkil Elçin Sadıqov bildirib.
O xatırladıb ki, bu ilin fevralında AİHM 2011 və 2013-cü illərdə G.Bayramlının etiraz aksiyalarında iştiraka inzibati cəza alması ilə bağlı şikayəti üzrə öz qərarını elan edib.
AİHM G.Bayramlının 2011-ci il 17 aprel və 2013-cü ilə 26 yanvarda etiraz aksyaları zamanı özbaşına saxlanması və polis zorakılığına məruz qalması ilə bağlı şikayətini təmin edib.
Strasburq məhkəməsi mənəvi zərərə və məhkəmə xərclərinin ödənilməsinə görə kompensasiya təyin edib.
Bundan öncə bildirilmişdi ki G.Bayramlıya ümumi məbləği 15 900 avro kompensasiya təyin edilib.
Strasburq məhkəməsinin qərarı bir ay öncə qüvvəyə minib. Ancaq icra edilmir.
Həbsdə olan G.Bayramlı kompensasiyanı almaq üçün yaxınlarından birinə etibarnamə verməlidir. Ancaq təcridxana rəhbərliyi bu notarial aktın həyata keçirilməsinə şərait yaratmır.
Vəkil müvafiq orqanlara müraciət etsə də, cavab almayıb.
E.Sadıqov G.Bayramlının səhhətilə bağlı problemin qaldığını bildirib.
O deyib ki, bu yaxınlarda təcridxanada G.Bayramlya baş çəkən ombudsman ona keyfiyyətli tibbi yardımın göstərilməsi üçün şərait yaradılacağını vəd edib.
Xatırladıb ki, G.Bayramlı mayın 25-də Gürcüstandan qayıdarkən həbs olunub. O 12 min dollar qaçaqmalçılığında ittiham edilib. Məhkəmə onu 3 ay müddətinə həbs edib.
G.Bayramlı ittihamları qəbul etməyərək onları siyasi motivli adlandırıb. Hüquq müdafiəçiləri onu siyasi məhbus kimi tanıyıblar.-06D--
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz