Bakı/22.09.17/Turan: Azərbaycan XİN rəhbəri Elmar Məmmədyarov BMT Baş Assambleyasının 72-ci sessiyası çərçivəsində GUAM-ABŞ görüşündə iştirak edib.
Azərbaycan XİN-in məlumatında deyilir ki, görüşün yekunlarına görə "GUAM-ABŞ Birgə Bəyannaməsi" qəbul edilib.
Sənəddə GUAM-ın ABŞ-la səmərəli əməkdaşlığı daha da inkişaf etdirməkdə maraqlı olduğu ifadə olunub.
Həmçinin, sülhün, sabitliyin və əməkdaşlığın qorunub saxlanması məqsədilə regionun bütün dövlətləri üçün ortaq təhlükəsizlik məkanının yaradılması ilə bağlı vahid ortaq mövqe ifadə olunub.
Bəyannamədə GUAM regionunda münaqişələrin sülh yolu ilə nizamlanması istiqamətində irəliləyişin labüdlüyü vurğulanır, GUAM ölkələrinə qarşı gücdən istifadə təhdidinin əsas narahatlıq olaraq qaldığı qeyd edilir.
Həmçinin, BMT Nizamnaməsində əks olunmuş prinsiplər də daxil olmaqla, beynəlxalq hüququn hamılıqla qəbul edilmiş norma və prinsiplərinə hörmət etməyə dair öhdəliklər və ATƏT-in fundamental sənədlərinə sadiqlik bir daha xatırlanılır.
GUAM 1997-ci ildə regional birlik kimi yaradılıb. Təşkilata Gürcüstan, Ukrayna, Azərbaycan və Moldova daxildir. -06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz