![AİHM Xədicə İsmayılovanın şikayətini prioritet qaydada qəbul edib](https://turan.az/resized/750/500/resize/media/2015/main/090800128796.jpg)
AİHM Xədicə İsmayılovanın şikayətini prioritet qaydada qəbul edib
Avropa İnsan Hüquqları Məhkəməsi Azərbaycanlı jurnalist Xədicə İsmayılovanın şikayətini prioritet qaydada icraata qəbul edib.
Azərbaycan hökumətinin üzərinə 15 yanvar 2016-cı ilə qədər AİHM-nin suallarına cavab vermək öhdəliyi qoyulub.
O qeyd edib ki, İsmayılovanın şikayətində 5 (azadlıq və toxunulmazlıq hüququ); 6 (obyektiv məhkəmə araşdırması); 10 (ifadə azadlığı hüququ) və 18-ci (Konvensiyada nəzərdə tutulmuş hüquqlara münasibətdə məhdudiyyətlər həddinin aşılmasının yolverilməzliyi) maddələr üzrə hüquqlarının pozulduğu məsələsi qaldırılır.
Vəkil qeyd edir ki, şikayət 2014-cü ilin dekabrında İsmayılovanın qanunsuz həbsi ilə bağlıdır.
Gələcəkə cinayət işinin mahiyyəti üzrə hökmdən də şikayət veriləcək.
Gələn həftə müdafiə tərəfin məhkəmənin jurnalisti 7,5 il müddətinə azadlıqdan məhrum edən 1 sentyabr tarixli hökmündən də apellyasiya şikayəti veriləcək.
Xatırladaq ki, Bakı Ağır Cinayətlər Məhkəməsi onu 179 (mənimsəmə və israf), 192 (qanunsuz sahibkarlıq), 213 (vergi ödənişindən yayınma) və 308-ci (vəzifə səlahiyyətlərindən sui-istifadə) maddələri ilə təqsirli bilib.
Eyni zamanda, İsmayılovaya 125-ci (özünü öldürmə həddinə çatdırma) maddə ilə bəraət verilib.
Yerli və beynəlxalq hüquq müdafiə təşkilatları İsmayılovaya qarşı cinayət ittihamlarının uydurma olduğundan və onun hakimiyyətin ali eşelonlarında korrupsiya faktları ilə bağlı jurnalist araşdırmaları ilə əlaqədar olduğundan əmindir. -06D-
-
- İqtisadiyyat
- 8 Sentyabr 2015 16:20
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz