Ötən il dekabrın 25-də Qazaxıstanın Aktau şəhəri yaxınlığında Azərbaycan təyyarəsinin qəzaya uğraması xəsarət alan ölkə vətəndaşlarından 4 (1 kişi və 3 qadın) nəfərin stasionar müalicəsi davam edir.
Azərbaycan Səhiyyə Nazirliyinin və Tibbi Ərazi Bölmələrini İdarəetmə Birliyinin (TƏBİB) birgə məlumatına görə, reanimasiya şöbəsində müalicəsi davam edən 1 nəfərin vəziyyəti ağır stabil, stasionar şöbədə müalicəsi davam edən digər 3 nəfərin vəziyyəti isə qənaətbəxş olaraq dəyərləndirilir.
3 nəfər cərrahi əməliyyat edilib.
Ötən il dekabrın 25-də Bakı-Qroznı reysini yerinə yetirən “Azərbaycan Hava Yolları”na məxsus “Embraer 190” sərnişin təyyarəsinin Aktau yaxınlığında qəzaya uğramasından bir ay keçir. Təyyarədə olan 67 nəfərdən 290-u sağ qalıb. Sağ qalanların 17-i Azərbaycan vətəndaşıdır.
Bakıda “Yeni klinika”ya hospitalizasiya olunmuş 17 nəfərdən 4-ü birbaşa tibb müəssisəsinin reanimasiya şöbəsinə, 13 nəfər isə stasionar şöbəyə qəbul edilib.
Təxliyə olunan pasiyentlərə əsasən, müxtəlif bədən nahiyələrinin travmaları (sınıq, əzilmə, kəllə-beyin travması, döş qəfəsinin küt travması) ikitərəfli pnevmo-hemotoraks, tənəffüs çatışmazlığı diaqnozları qoyulub. Ümumilikdə, təxliyə edilən 17 yaralıdan 13-ü ambulator müalicə üçün evə yazılıb, - məlumatda qeyd edilir.
Siyasət
-
Yanvarın 24-də Bakı Apellyasiya Məhkəməsində jurnalist Fərid İsmayılovun həbsindən şikayətə baxılıb.
-
2024-cü ildə Azərbaycanda insan hüquqları ilə bağlı vəziyyət jurnalistlərə, fəallara və dindarlara qarşı repressiyaların artması ilə xarakterizə olunub. Bu barədə "Müdafiə xətti" qeyri-hökumət təşkilatının illik hesabatında deyilir. Sənədi yanvarın 24-də bu qurumun üzvü, hüquq müdafiəçisi Zəfər Əhmədov təqdim edib.
-
Yanvarın 24-də Səbail Rayon Məhkəməsində “Kanal-13” İnternet- nəşrin rəhbəri Əziz Orucovun işi üzrə proses davam edib.
-
Yanvarın 24-də Azərbaycan müdafiə nazirinin müavini, Quru Qoşunları komandanı general-polkovnik Hikmət Mirzəyev Türkiyəyə rəsmi səfərə gedib.
Rəy yaz