Fevralın 7-də Belarusdan Azərbaycana ekstradisiya edilmiş bloger Aleksandr Lapşin Ədliyyə Nazirliyi Penitensar Xidmətin 1 saylı Bakı İstintaq Təcridxanasına yerləşdirilib. Bu barədə Turan-a Baş Prokurorluğun mətbuat xidmətinin rəhbəri Eldar Sultanov bildirib.
Onun sözlərinə görə, A. Lapşinlə bağlı başlanmış cinayət işi üzrə zəruri istintaq tədbirləri davam etdirilir.
İsrail, Rusiya, Ukrayna vətəndaşı olan bloger A. Lapşin 2011 və 2012-ci illərdə Azərbaycanın ermənilərin nəzarətində olan ərazilərinə səfərlər edib və oradakı rejimlə bağlı yazılar yazıb. O, Azərbaycanın beynəlxalq ictimaiyyət tərəfindən tanınan ərazi bütövlüyünə qarşı statuslar yazıb. Azərbaycan Baş Prokurorluğu A. Lapşinin barəsində Cinayət Məcəlləsinin 281.2 (dövlətə qarşı açıq çağırışlar) və 318.2 (sərhədi qanunsuz keçmək) maddələri ilə cinayət işi qaldırıb və onun barəsində axtarış elan edib. A.Lapşin Belarusda saxlanılıb. Belarus prokurorluğu Azərbaycanın ekstradisiya tələbini haqlı sayıb. Blogerin vəkili Belarus prokurorluğunun qərarından Minsk Şəhər Məhkəməsinə şikayət edib. Minsk Şəhər Məhkəməsi prokurorluğun qərarını əsaslı sayıb. Bu qərardan şikayəti Belarus Ali Məhkəməsi də təmin etməyib. Beləliklə, fevralın 7-də axşam saatlarında A. Lapşin Azərbaycana ekstradisiya edilib. Onu Bakıya Dövlət Təhlükəsizlik Xidmətinin əməkdaşları gətiriblər. -03B-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz