Ali məhkəmə islamçıları həbsdə saxladı

 Bu gün Azərbaycan ali məhkəməsi Fərhad Kərimovun sədrliyi ilə Azərbaycan İslam Partiyasının (AİP) lideri Mövsüm Səmədovun və partiyanın 5 fəalının kassasiya şikayətini təmin etməyərək, onları həbsdə saxlayıb.

İslamçılar 2011-ci ilin yanvar ayında Səmədovun hicabın qadağan edilməsinə, korrupsiyaya və Azərbaycan xalqının əxlaqının pozulmasına görə Azərbaycan hakimiyyətini kəskin tənqid etməsindən sonra həbs ediliblər.

Elə həmin ilin oktyabr ayında islamçıları hakimiyyəti ələ keçirmək cəhdində, qanunsuz silah saxlamaqda ittiham ediblər və 10 ildən 12 ilədək azadlıqdan məhrum ediblər. Onlardan biri – AİP sədr müavini Vaqif Abdullayev ötən ilin yayında həbsxanada vəfat edib.

İslamçıların Hüquqlarını Müdafiə Komitəsi Ali Məhkəmənin qərarını qəti şəkildə pisləyərək, məhkəməni təqsirsiz insanları həbs etməkdə ittiham edib. Bəyanat müəllifləri hesab edirlər ki, hakimiyyət və vətəndaşlar arasında münasibətlərin gərginləşməsi kritik həddə çatır ki, bu da sosial çevrilişlərə və qarşıdurmalara səbəb ola bilər.

Ali Məhkəmənin qərarından Avropa İnsan Hüquqları Məhkəməsinə şikayət veriləcək. -16D06-