Almaniya da tənzimləmə planı təklif edir

AFR XİN Dağlıq Qarabağda zorakılıq potensialının azaldılmasına və münaqişənin sabit və sülh yolu ilə həllinə gedən yolu müəyyən edəcək yeddi bənddən ibarət plan təklif edib, bu barədə cümə axşamı AFR XİN-dən diplomatik mənbə jurnalistlərə bildirib.

“Almaniyanın yeddi bənddən ibarət planı başlanğıc üçün kəskin zorakılıq potensialını yumşaltmağa kömək etməli, habelə münaqişənin sabit və dinc yolla həllinə gedən yolu müəyyən etməlidir”, deyən diplomat əlavə edib ki, “mahiyyətcə söhbət atəşkəs rejiminin möhkəmləndirilməsindən və dialoq, habelə sabitləşmə və etimad yaradılması tədbirləri ilə münaqişənin həllinə başlamaqdan gedir”.

Mənbənin sözlərinə görə, regionda hazıki status-kvo, XİN nöqteyi-nəzərdən, “uzunmüddətli gələcək üçün tutarsızdır”, münaqişə davam etdikcə “iki ölkə arasında təmas xətti boyunca və sərhəddə təkrarlanan və getdikcə daha da kütləviləşən zorakılıq riski artır”, deyə RİA-NOVOSTİ agentliyi adını açıqlamadığı diplomatdan sitat gətirir.

Bu qeyri-müəyyən ifadələr və təfsilatın olmaması Bonnun ideya və təkliflərini qiymətləndirməyə imkan vermir. Lakin onlar işğal edilmiş ərazilərin azad edilməsini nəzərdə tutmursa, Bakı artıq bildirib ki, sadəcə etimad tədbirlərinin möhkəmləndirilməsinə razılaşmayacaq. -02D-