Bakı/29.08.17/Turan: İnsan hüquqları üzrə federal komissar Berbel Kofler avqustun 29-da Azərbaycanda Turan İnformasiya Agentliyinin direktoru Mehman Əliyevin həbsi ilə bağlı bəyanat yayıb.
"Turan İnformasiya Agentliyinin direktoru Mehman Əliyevin həbsi haqqında xəbərdən narahat oldum", deyə Kofler bildirib.
Əliyevə qarşı cinayət təqibi nəticəsində vergilərdən yayınma, qanunsuz sahibkarlıq və vəzifə səlahiyyətlərindən sui-istifadə ittihamları irəli sürülüb. Turan-ın bank hesablarının bağlanması ilə əlaqədar agentlik sentyabrın 1-dən fəaliyyətini dayandırmaq məcburiyyətindədir.
"Azərbaycanda mətbuat azadlığı sahəsində vəziyyət əvvəlkindən daha çox narahatlıq doğurur. Mən Azərbaycan hökumətini fikri ifadə azadlığı, mətbuat azadlığı və qanunun aliliyi sahəsində götürdüyü öhdəliklərinə riayət etməyə çağırıram.
Mehman Əliyevin məsələsini və Azərbaycanda mətbuat azadlığı sahəsində vəziyyəti diqqətlə izləməyə davam edəcəyəm", deyə Kofler bildirib.
Turan uzun illərdir Azərbaycanda yeganə müstəqil informasiya agentliyi olaraq qalırdı. Ölkə 2017-ci ildə "Sərhədsiz Reportyorlar"ın 2017-ci il üzrə Dünya Mətbuat Azadlığı İndeksində 162-ci yeri tutub. -06D-
Siyasət
-
Siyasi Menecment İnstitutunun direktoru, politoloq Azər Qasımlı bu gün saat 16:00-da Bakı Şəhər Baş Polis İdarəsinə çağırılıb. Bu barədə o, Facebook-da yazıb.
-
Almaniyanın xarici işlər naziri Annalena Berbok COP29-da iqlim dəyişikliyilə bağlı mübarizənin maliyyələşdirilməsi məsələsində Bakının mövqeyini haqsız hesab edib.
-
Noyabrın 25-də Qafqaz Müsəlmanları İdarəsinin sədri, şeyxülislam Allahşükür Paşazadə Birləşmiş Millətlər Təşkilatı Sivilizasiyalar Alyansının 10-cu Qlobal Forumunda iştirak etmək üçün Portuqaliyaya gedir. Bu barədə Qafqaz Müsəlmanları İdarəsinin məlumatında deyilir.
-
Milli Məclis bazar ertəsi payız sessiyası çərçivəsində plenar iclas keçirir. İclasda 2025-ci il dövlət büdcəsi haqqında qanun layihəsi və mövcud qanunvericiliyə təklif edilən dəyişikliklər müzakirə olunur.
Rəy yaz