Almaniya səfirinin Gəncə səfəri
Almaniya səfiri Mixail Kindsqrab Gəncəyə səfər edib. Səfirlikdən Turan-a verilən məlumata görə, səfərdə əsas məqsəd bir vaxtlar Azərbaycanın paytaxtı olmuş şəhərin iqtisadi potensialı ilə tanışlıq, Almaniya şirkətlərinin layihələrinə baxış, qaçqın və məcburi köçkünlərin həyat şəraiti ilə tanışlıq olub.
Səfir Kindsqrab Gəncə şəhərinin icra başçısı Elmar Vəliyev ilə görüşüb, şəhərdə iqtisadi və siyasi proseslər haqqında müzakirə aparıb.
O, şəhərin iki böyük iqtisadi obyekti hesab olunan “Gəncə şərab” və avtomobil zavodlarında olub, onların vəziyyəti və gələcək planları ilə tanış olub. Səfir Gəncə Dövlət Aqrar Universitetində alman universitetləri və kənd təsərrüfatı müəssisələri ilə mübadilə proqramı çərçivəsində Almaniyada təhsil almış məzunlarla fikir mübadiləsi aparıb.
GİZ və KFW təşkilatlarının nümayəndələri su təchizatı, kadastr sisteminin yaradılması və yerli özünüidarəetmə sahələrində Almaniya-Azərbaycan layihələrini təqdim ediblər. Səfir səfərin ikinci günündə 2013-cü ilin sonunda istifadəyə verilib, əsasən işğal olunmuş Kəlbəcər rayonundan gəlmiş 14000 qaçqının məskunlaşdığı düşərgədə olub. Kəlbəcərin icra başçısı Aqil Məmmədovla görüşdən sonra səfir düşərgənin sakinləri ilə görüşüb.
Səfir düşərgədə olan məktəbin şagirdlərinə Almaniya Futbol Federasiyasının futbol toplarını hədiyyə edib.
M.Kindsqrab 2016-cı ilin avqustundan Almaniyanın Azərbaycanda səfiridir. Diplomatik fəaliyyəti çərçivəsində ölkənin bölgələrinə səfərlər edir. -16d-
-
- İqtisadiyyat
- 2 Dekabr 2016 13:25
-
- Siyasət
- 2 Dekabr 2016 15:09
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz