![Amerika-Azərbaycan işçi qrupu nəylə məşğul olacaq?](https://turan.az/resized/750/500/resize/media/2015/main/021800106971.jpg)
Amerika-Azərbaycan işçi qrupu nəylə məşğul olacaq?
Əgər insan hüquqları, demokratiya və vətəndaş cəmiyyəti sahəsində dialoq üzrə Amerika-Azərbaycan komissiyası yaradılarsa bu, Azərbaycan əleyhinə informasiya yayan bəzi ABŞ təşkilatlarının məlumatlarının yalan olduğunu üzı çıxarar. Bunu Turan-a hakim Yeni Azərbaycan Partiyasının icraçı katibinin müavini, parlamentin deputatı Siyavuş Novruzov deyib.
O, komissiyanın gələcək funksiyasını belə görür. Bu komissiya barədə fikri ABŞ dövlət katibinin köməkçisi Viktoriya Nuland ötən gün Bakıda söyləyib.
S.Novruzovun sözlərinə görə, ABŞ-da fəaliyyət göstərən Human Rights Wаtch, Frеedom House və digər belə təşkilatlar Azərbaycan haqda yalan məlumatlar yayırlar.
“Bu təşkilatların rəhbərliklərində erməni əsilli adamlar çoxdur. Onlar erməni lobbisinin dəstəyilə Konqres və Senatda Azərbaycan haqqında mənfi fikirlər formalaşdırırlar. Bütün bunlar Amerikanın maraqlarına ziddir və bu komissiya Azərbaycan haqda həqiqətləri yayaraq bu cür halların qarşısını almalıdır”, - S.Novruzov qeyd edib.
Öz növbəsində Demokratik İslahatlar Partiyasının rəhbəri, deputat Asim Mollazadə bildirib ki, bu cür işçi qrupu artıq yaradılıb və Avropa Şurası ilə işləyir.
“Qrupa hökumət, parlament, QHT və hüquq-müdafiə təşkilatlarının nümayəndələri daxildir. Avropa Şurası və Avropa Parlamenti ilə bu cür əməkdaşlıq var və ABŞ ilə də belə qrupun fəaliyyətini normal hesab edirəm”, - A.Mollazadə vurğulayıb.
O, Nulandın qeyd etdiyi kimi, vətəndaş cəmiyyəti, demokratiya, insan hüquqları, media azadlığı məsələləri üzrə dialoqa inanır.
“İnanıram ki, bu qrup Amerika-Azərbaycan münasibətlərinin inkişafına xidmət edəcək. Demokratiya və insan hüquqları sahəsində əməkdaşlığa ehtiyac var və bu, mümkündür”, - A.Mollazadə qeyd edib.-03B-
-
- Cəmiyyət
- 18 Fevral 2015 14:09
-
- İqtisadiyyat
- 18 Fevral 2015 15:48
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz