![Amerikada təhsil alan tələbələr Cəmil Həsənliyi dəstəkləyir](https://turan.az/resized/media/2013/main/100500052377-750-500-resize.webp)
Amerikada təhsil alan tələbələr Cəmil Həsənliyi dəstəkləyir
Biz savadımıza, təhsilimizə və dünyagörüşümüzə əsaslanaraq bəyan edirik ki, Cəmil Həsənli doğru seçimdir. 9 oktyabrda Cəmil Həsənliyə səs verməklə biz inkişafa, demokratiyaya, ləyaqətə, dünyəvi dəyərlərə və Qarabağın qaytarılmasına səs vermiş olacağıq.
Bu barədə Amerikada təhsil alan bir qrup tələbənin Turan Agentliyinə göndərdiyi bəyanatında deyilir.
Tələbələr hesab edir ki, Cəmil Həsənli hər bir azərbaycanlının prezidenti olacağını seçki kampaniyası dövründə bir daha sübut edib. “Bu gün Azərbaycana hər kəsi birləşdirəcək və ayrıseçkilik etməyəcək lider gərəkdir. Fikrimizcə həmin lider Cəmil Həsənlidir”.
Amerikada təhsil alan tələbələr hesab edir ki, Cəmil Həsənliyə səs verməklə Azərbaycanda xəstəliyə çevrilmiş korrupsiyanı kökündən kəsmək olar.
“Əgər günahsız həbs olunmuş insanların azadlığa qovuşmasını, əsgər ölümlərinə son qoyulmasını, yaşayış standartlarının yüksəldilməsini, neft gəlirlərinin xalqa çatdırılmasını və Azərbaycanın Avropa Birliyinə dərin inteqrasiyasını istəyirsinizsə Cəmil Həsənliyə səs verin. Ailə hakimiyyətinə son qoymağın yolu ancaq milli birlikdən keçir. İndiki zamanda hamımız bir yerdə olub Azərbaycanı demokratik dünyanın layiqli üzvünə çevirmək uğrunda çalışmalıyıq”, müraciətdə qeyd edilir.
Tələbələr həmçinin bir neçə gün öncə ABŞ-da özünü diaspor təşkilatı elan edən US Azeris Network, Azərbaycan Nyu York Assosiasiyası və digər qurumların onların adından İlham Əliyevə dəstək müraciəti yaymasını qəti şəkildə pisləyir.
“Bizim adımızdan yayılmış həmin bəyanata bir nəfər də olsun imza atmış adamın adının göstərilməməsi bir daha sübut edir ki, həmin bəyanat bir-iki şəxsin Azərbaycan hakimiyyətindən maddi yardım almaq məqsədi güdür. Həmin bəyanatın bizim fikrimizi əks etdirmədiyini azərbaycan xalqına bəyan edirik”.
Turana daxil olan tələbələrin müraciətində onların imzası əksini tapıb.-03D-
Siyasət
-
Oleq Bakinski kimi tanınan ukraynalı kriminal avtoritet Oleq Krapivin Azərbaycanda həbs edilib. Yerli KİV bildirib ki, o, Azərbaycan Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin əməkdaşları tərəfindən. saxlanılıb
-
İyulun 27-dən avqustun 2-dək polis əməkdaşları Xankəndi şəhəri ərazisində 60 avtomat, 3 pulemyot, 21 tapança, 29 tüfəng, 125 qumbara, qumbaraatan, 48 mərmi və digər döyüş sursatı götürüblər. Xocalı rayonunun Əsgəran qəsəbəsi ərazisində 2 qumbara, Şuşada avtomat, 7 qumbara, Xocavənddə 6 avtomat, 6 pulemyot, 3 tüfəng, 36 qumbara və digər döyüş sursatı aşkar edilərək götürülüb.
-
Azərbaycan Xalq Cəbhəsi Partiyasının üzvü Elnur Həsənova 3 il həbs cəzası kəsilib. Avqustun 2-də Bakı Ağır Cinayətlər Məhkəməsində belə hökm verilib.
-
Tezliklə Rusiyada təkcə YouTube deyil, həm də Google, Android və İOS sistemləri bloklanacaq. Bunu bu gün Dövlət Dumasının deputatı Aleksey Didenko deyib.
HƏMAS liderinin qətli Yaxın Şərqdə böyük müharibəyə səbəb ola bilərmi? – İlham İsmayıl Çətin sualda
Xəbər lenti
-
- Cəmiyyət,
- 11:03
- 219
Rəy yaz