Amerikalı anailitik: Qarabağda döyüş əməliyyatları genişmiqyaslı müharibə riskini real edir

Vaşinqton/06.07.17/Turan: Biri uşaq olmaqla, iki dinc Azərbaycan sakininin Ermənistan tərəfindən açılan atəş nəticəsində həlak olması haqqında məlumat genişmiqyaslı müharibə başlaması riskindən xəbər verir. Bu zaman atəş açılmasının səbəbi - bunun yanlışlıq və ya təsadüfi hadisə olması əhəmiyyət daşımır.

Bu fikri Turan-ın Vaşinqton müxbirinə Amerikanın adının açıqlanmasını istəməyən yüksək vəzifəli diplomatı və bu yaxınlarda münaqişə regionundan qayıtmış hərbi analitik bildirib.

Bakı Yerevanı mülki şəxslərə hücum etməkdə ittiham edir. Amma Ermənistan rəsmiləri yalnız cavab atəşi açdıqlarını bildirir, Azərbaycan tərəfi mülki şəxslərin yaşadığı yerin yaxınlığında döyüş texnikası yerləşdirməkdə ittiham edirlər.

Hadisələrin getdikcə daha qorxulu və dramatik olması ilə Bakı və Yerevanın addımlarını hansısa strategiya müəyyən etməyəcək, bu yaxınlarda Azərbaycan və Ermənistan hərbiçiləri ilə görüşlər keçirən analitik belə hesab edir.

Onun sözlərinə görə, Ermənistan sovet dövründən daha yüksək səviyyədə hərbi mədəniyyət mənimsəyib və həmişə hesab edirdi ki, Azərbaycanın hərbi potensialında "fəxr edəcək heç nə yoxdur".

Eyni zamanda, azərbaycanlılar müasir silahlara malik olaraq, daha güclü olduqlarını və regionda daha çox hörmətə layiq olduqlarını nümayiş etdirməyə çalışırdılar.

Amma ötən il baş vermiş gərginlikdən sonra Yerevan öz müdafiə sistemində islahatlar aparıb, Azərbaycan tərəfindən İsrail istehsalı olan pilotsuz təyyarələr tərəfindən vurulmuş ziyanı və artilleriya və hava zərbələrini nəzərə alaraq, yeni silah növləri əlavə edib.

İndi, ötən ilki təcrübəni nəzərə alaraq, həm Yerevanda, həm də Bakıda hərbiçilər diqqəti müharibəyə hazırlıq üzərində cəmləşdiriblər, düşmənin potensial hədəflərini, o cümlədən mülki hədəfləri ilk plana çıxarırlar.

"Bu, dəhşətlidir. Xüsusən, hər iki tərəfdə qərarların qəbulu prosesinin çox az sayda insandan asılı olması faktını və onların düşündükləri ilə dediklərinin nə dərəcədə əlaqəli olduğunu başa düşməyin çətin oluğunu nəzərə alsaq", deyə Amerikalı analitik qeyd edib. -25B-