ABŞ senatoru Patrik Lixi Azərbaycan hökumətini bütün siyasi məhbusları azad etməyə çağırıb. Bu barədə Turan-ın müxbiri məlumat verib.
ABŞ Senatı hüquq komitəsinin yüksək vəzifəli üzvü demokrat Patrik Lixi öz bəyanatında Azərbaycan hökumətinin hüquq müdafiəçilərini, jurnalistləri və digər vətəndaş fəallarını təqib etməsilə bağlı əvvəlki narahatlığını xatırladıb.
Ötən ildən başlayaraq Azərbaycanda insan hüquqlarının vəziyyəti daha da pisləşib, baxmayaraq ki, prezident Obama və digər dövlətlərin, həmçinin Avropa İttifaqı ölkələrinin liderləri, BMT insan haqları komissarı bu durumu pisləyiblər.
“Mən bu cəsarətli insanlarla amansız davranışla bağlı yenidən həyəcanımı bildirmək istəyirəm. Leyla və Arif Yunuslar, Xədicə İsmayılova və digərləri daxil olmaqla, bütün siyasi məhbusların dərhal azadlığa buraxılmasını tələb edirik”, - senator vurğulayıb.
“Avropa İnsan Hüquqları Konvensiyasına uyğun olaraq Azərbaycan hökuməti ölkə Konstitusiyasının müddəalarını dəstəkləməli və vətəndaş cəmiyyəti üzvlərinin, jurnalistlərin, siyasi fəalların təqib olunmasına son qoymalıdır. Onların günahı yalnız öz fikirlərini dinc şəkildə ifadə etmələridir”, - senator bildirib.-25-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz