Amerikanın İREX təşkilatının bank hesablarına həbs qoyulub
İyulun 31-də Amerikanın İREX qeyri-hökumət təşkilatının Azərbaycan nümayəndəliyinin bank hesablarına həbs qoyulub. Bu barədə qərarı Baş Prokurorluğun təqdimatı əsasında Nəsimi rayon Məhkəməsi verib. Bu barədə Turan-a beynəlxalq təşkilatlardakı mənbələrdən bəlli olub.
Mənbənin məlumatına görə, İREX məhkəmənin qərarından apellyasiya şikayəti verib. İREX-in özündə şərh verməkdən yayınırlar.
Bu təşkilat Azərbaycan KİV-inin əsas donorlarından biridir. Bir neçə il ərzindən İREX onlarla layihə həyata keçirib, KİV-ə maddi və texniki yardım göstərərək, jurnalistlər üçün çoxsaylı treninqlər və seminarlar təşkil edib.
Bundan başqa, İREX ölkənin kənd sakinlərinin İnternetə çıxışı işində böyük rol oynayıb, onlarla kənddə pulsuz internet otaqları təşkil edib.
Qeyd edək ki, mayda Baş Prokurorluğun Ağır Cinayətlər üzrə İstintaq İdarəsi bir sıra yerli və xarici QHT-lərə qarşı cinayət işinə başlayıb. Həmin vaxtdan 20-yə yaxın yerli və xarici QHT-nin hesabına həbs qoyulub. Bu QHT-lərin bəzirlərində vergi yoxlamaları aparılır.
Bu zaman hüquq-mühafizə orqanları araşdırmanın səbəbləri ilə bağlı şərh vermir. Yerli fəallar bunu müstəqil vətəndaş cəmiyyəti institutlarının aradan qaldırılması məqsədilə hakimiyyətin təzyiqi kimi qiymətləndirirlər.
Göründüyü kimi, hakimiyyət vətəndaş cəmiyyətini və müstəqil KİV-i dəstəkləyən qərb QHT-lərinin ölkədən tamamilə sıxışdırılıb çıxarılması kursu götürüb. -06D-
-
- Cəmiyyət
- 4 Avqust 2014 17:41
-
- Foto sessiyalar
- 4 Avqust 2014 17:54
Siyasət
-
Çərşənbə günü dövlət başçısı İlham Əliyev Böyük Britaniyanın beynəlxalq enerji və iqlim üzrə naziri Keri Makkartini qəbul edib.
-
Oktyabrın 9-da dövlət başçısı İlham Əliyev BMT Baş katibinin birinci müavini Amina Mohammedi qəbul edib və onunla COP29-a hazırlıq məsələlərini müzakirə edib.
-
Gürcüstanda həbsdə olan Azel TV saytının rəhbəri Əfqan Sadıqov vəziyyətinin ağır olmasına baxmayaraq, penitensiar müəssisənin xəstəxanasında aclığı davam etdirir və tibbi yardımdan imtina edir, bu barədə Turan-a onun həyat yoldaşı bildirib.
-
Oktyabrın 9-da dövlət başçısı İlham Əliyev ABŞ Prezidentinin Beynəlxalq İqlim Siyasəti üzrə baş müşaviri Con Podestanı qəbul edib. Podesta COP29-la bağlı azərbaycanlı həmkarlarla çox səmərəli və məhsuldar söhbətlərin aparıldığını deyib və Azərbaycan prezidenti ilə COP29 barədə fikir mübadiləsi aparmaqdan məmnunluq hissi keçirdiyini vurğulayıb.
Rəy yaz