Amnesty İnternational hüquq müdafiə təşkilatının Hollandiya şöbəsinin bir qrup fəalı Azərbaycandakı siyasi məhbuslara dəstək aksiyası keçirib.
Dünən təşkilatın yerli şöbəsinin fəalları Azərbaycandakı siyasi məhbusları azad etməyə çağıran plakatlarla aksiya təşkil ediblər.
Təşkilatın facebook səhifəsində deyilir ki, iyirmiyə yaxın aksiya iştirakçısı əllərində plakatlarla səfirliyinin önündə toplaşıblar və orada oturaq aksiya keçiriblər.
Mənbənin məlumatına görə, iştirakçılar Leyla Yunus, Rəsul Cəfərov, Xədicə İsmayılova, İntiqam Əliyev və digər siyasi məhbusların azad edilməsini tələb ediblər.
Amnesty International həmçinin öz səhifəsində Azərbaycanda insan hüquqları pozuntularını pisləyən bəyannaməyə imza toplamağı davam etdirir. Bu günə bu bəyannaməni 40 mindən çox insan imzalayıb. -02D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz