Amnesty International Elçin Sadıqovu müdafiə edir

  Amnesty International beynəlxalq hüquq-müdafiə təşkilatı peşə fəaliyyətinə görə vəkil Elçin Sadıqova və onun ailə üzvlərinə təzyiqləri pisləyib.

Təşkilatın bəyanatında qeyd olunur ki, vəkilə və onun ailəsinə təhdid faktları, İnternet hücumlar araşdırılmalıdır. “Vəkil Elçin Sadıqova təzyiq dərhal araşdırılmalıdır. Araşdırma effektiv və qərəzsiz olmalıdır. Günahkarlar məhkəmə qarşısında durmalıdır və hakimiyyət bunu təmin etməlidir”, - bəyanatda deyilir.

Amnesty International hesab edir ki, E.Sadıqov mühafizə ilə təmin edilməlidir. Azərbaycanda bütün vəkillər öz fəaliyyətini BMT-nin vəkillərin rolu haqda fundamental qaydalarına əsasən həyat keçirməlidir. Onlar üçün təhdidlər, əngəlləri və digər hallardan qoruyan sərait yaradılmalıdır.

Xatırladaq ki, noyabrın 2-də yerli saytların birində vəkil E.Sadıqovla müdafiə etdiyi müttəhimlərdən birinin xanımı arasında romantik münasibətlər haqda material dərc olunmuşdu. Lakin media resursun redaktoru bildirib ki, “material onun göstərişi olmadan təxribat məqsədilə yerləşdirilib”.

E.Sadıqov bildirir ki, DİN Baş Mütəşəkkil Cinayətkarlığa Qarşı Mübarizə İdarəsində ona hədə-qorxu gəlirlər.

Noyabrın 3-də vəkilin qardaşını polisə çağıraraq Elçin Sadıqov barəsində soruşublar.

Bu fonda DİN özünü elə aparır ki, sanki heç nə baş vermir və BMCQMİ-nin vəkilə və sadə vətəndaşlara hədə-qorxu gəlməsi barədə ittihamları şərh etmir.16D04-