Amnesty İnternational: İlqar Nəsibova qarşı təqibləri dayandırın

Amnesty İnternational beynəlxalq hüquq müdafiə təşkilatı Azərbaycan hakimiyyətinə hüquq müdafiəçisi və jurnalist İlqar Nəsibova qarşı əsaslandırılmamış təqibləri dayandırmaq,  ona qarşı ittihamları ləğv etmək, ölkədə ifadə azadlığını və qanunun aliliyini təmin etmək çağırışı edib.

Bəyanatda bir qrup şəxs tərəfindən vəhşicəsinə döyülən İ.Nəsibova qarşı cinayət məcəlləsinin 127.1 maddəsilə (yüngül xəsarət yetirmək) cinayət işi qaldırıldığı xatırladılır. Eynilə bu maddənin İ.Nəsibovu döyənlərdən birinə şamil olunduğu vurğulanır.

Xatırladaq ki, İ.Nəsibov avqustun 21-də Naxçıvanda öz ofisində fiziki zorakılığz məruz qalıb. Onun qabırğalarını sındırblar, dişlərini tökübllər. Güclü baş-beyin gicəllənməsi, qan itkisilə xəstəxanaya yatırılıb. Həkimlər I.Nəsibovun üzünə 10 tikiş qoyublar və bir göü görmə qbiliyyətini nisbətən itirib.

Bu qədər ciddi xəsarətlərə baxmayaraq polis cianyət işi qaldırmayıb və basqın edənləri saxlamayıb. Bundan əlavə, Naxçıvan DİN İ.Nəsibovun sərxoş olması və araq işdiyi şəxslə dalaşması nəticəsində xəsarət alması haqda məlumat yayıb.   

Beyənlxalq ictimaiyyətin çoxsaylı etirazlarına hakimiyyət özünəməxsus “reaksiya” verib. Hücum edənlərdən biri saxlanılıb, həmin şəxsə və İ.Nəsibova qyni ittiham irəli sürülüb.-16D-