![Amnesty İnternational-ın nümayəndə heyəti Bakıya buraxılmayıb](https://turan.az/resized/media/2015/main/060900118800-750-500-resize.webp)
Amnesty İnternational-ın nümayəndə heyəti Bakıya buraxılmayıb
Amnesty International Azərbaycana planlaşdırılan səfəri ləğv etməli olub. Buna səbəb son anda hökumətin bu hüquq-müdafiə təşkilatının nümayəndə heyətini Bakıya buraxmaqdan imtina etməsidir. Bu barədə təşkilatın bəyanatında deyilir.
İyunun 9-da axşamdan keçmiş Azərbaycanın Londondakı səfirliyi “Azərbaycan hazırda Amnesty International-ı qəbul etmək iqtidarında deyil” bəyan etdikdən sonra “Azərbaycan: Avropa oyunları fonunda repressiyalar” mövzusunda birifinqin keçirilməsi üçün səfər ləğv edilib.
“Avropa Oyunları ərəfəsində tənqidi səslərin sistematik olaraq yatırılması zamanı tədbirin ləğv edilməsi olduqca ironikdir. Ölkə hakimiyyəti Avropa Oyunları ətrafında tənqiddənkənar zona yaratmağa çalışır” - Amnesty International-ın Avropa və Mərkəzi Asiya üzrə direktor müavini Denis Krivoşeyev bildirib.
“Bu oyunlar Olimpiya Xartiyasında təsbit olunmuş mətbuat azadlığı və insan ləyaqəti kimi dəyərlərdən uzaqdır.
Bu oyunlardan qalan o olacaq ki, bundan sonra da dünyanın repressiv orqanlarını böyük beynəlxalq idman tədbirlərindən beynəlxaq nüfuz və mötəbərlik üçün bilet kimi istifadə etməyə təşviq edəcəklər”, - o vurğulayıb.
Son illər Azərbaycanda jurnalistlər, hüquq müdafiəçiləri, müxalifət və demokratik gənc fəalların üzvləri təqib, işgəncə və həbslərə məruz qalıb. Onların sıxışdırılması Oyunlar ərəfəsində güclənib.
Azərbaycanda ən azı 20 vicdan məhbusu var. Onlar fikir azadlığı hüququnu həyata keçirdiklərinə görə həbs olunublar. Onların çoxu dələduzluq, vergidən yayınma, narkotik maddə saxlamaq, xuliqanlıq, hətta dövlətə xəyanətdə ittiham olunublar.
Hazırda demək olar ki, müstəqil KİV yoxdur. Dövlətə məxsus olan və ya onun nəzarətində olan qəzetlər və TV yalnız hakimiyyətin hərəkətlərinə haqq qazandırmaq üçündür.
Sonra sənəddə tanınmış hüquq müdafiəçilərinin konkret işləri sadalanır, tanınmış QHT və jurnalistlərə, vətəndaş fəallarına qarşı repressiyalar ətraflı açıqlanır.
Amnesty International Azərbaycan hökumətini bütün vicdan məhbuslarını dərhal və qeyd-şərtsiz azad etməyə, ifadə, toplaşma və birləşmək azadlığına hörmətlə yanaşmağa çağırır.
Hökumət və Avropa Olimpiya Komitəsi də daxil olmaqla beynəlxalq birlik buna nail olmaq üçün Azərbaycan hakimiyyətinə təzyiq göstərməlidir.
“Azərbaycanda keçirilən Avropa Oyunları ölkədə insan hüquqlarının yaxşılaşdırılmasını təmin etmək üçün nadir imkan yaradır. Buna görə də Avropa Olimpiya Komitəsi və beynəlxalq birliyin bunu bəyan etməkdən imtina etməsi Azərbaycan hakimiyyətinin tənqidi vətəndaş cəmiyyətini tamamən susdurmasına imkan verəcək” – D. Krivoşeyev bildirib.-02D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz