Amnesty International: İnternet İdarəetmə Forumunun Azərbaycanda keçirilməsi istehza doğurur
Amnesty International təşkilatı noyabr ayında Bakıda keçiriləcək yeddinci illik İnternet İdarəetmə Forumu (IGF) ərəfəsində Azərbaycanla əlaqədar mətbuat üçün məlumat yayıb.
Məlumatda təşkilatın Azərbaycan üzrə rəsmisi Max Tucker qeyd edib ki, forumun Azərbaycanda keçirilməsinə “dərin istehza ilə yanaşılır”.
“Bu ölkədə hökümət nə vaxt istəsə bloqerləri həbs edir, sosial şəbəkələrdə fəaliyyət göstərən adamları ruhi xəstə kimi təqdim edir”, - o bildirib.
Həmçinin qanunvericiliyin İnternet və sosial mətbuat azadlığına qoyduğu məhdudiyyətlər və İnternet istifadəçilərinin nəzarət altında olması barədə məlumat var.
“Onlayn İfadə Təşəbbüsü” adlanan, ölkədə İnternetə mövcud olan məhdudiyyətlərə nəzarət edən yerli QHT-lər birliyinə istinad edərək Amnesty International qeyd edir ki, “İnternet provayderləri Rabitə və İnformasiya Texnologiyası Nazirliyi tərəfindən təchiz olunan məlumat ayıran proqramlar quraşdırmalıdır. Bu proqramlar istifadəçilərin İnternet tətbiqinə nəzarət etmək və onların əlaqələrini ələ keçirmək üçün birbaşa Milli Təhlükəsizlik Nazirliyi tərəfindən icra olunur”, - məlumatda deyilir.
Təşkilat həmçinin bəyan edir ki, bu nəzarəti yerinə yetirmək üçün rəsmi göstəriş lazım olsa da qanunda bu göstərişi istifadəçiyə və ya provayderə təqdim etməyə heç bir zərurət yoxdur.
İnternet televiziyası və radiosunun tənzimləməsi haqqında qanun layihəsinə görə “ifadə azadlığına de-fakto məhdudiyyət funksiyası olmamalıdır”.
İnternet İdarəetmə Forumu noyabrın 6-dan 9-dək Bakıda keçiriləcək.--
-
- İqtisadiyyat
- 30 Oktyabr 2012 14:49
-
- İqtisadiyyat
- 30 Oktyabr 2012 15:37
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz