Azərbaycan banklarının depozit ehtiyatları avqustda 2,2% artıb

2012-ci ilin avqustunda Azərbaycanın kredit təşkilatlarında depozit və əmanət həcmi 209,6 mln manat və ya 2,2% artaraq 9878,3 mln manat olub. Son 12 ayın dördündə azalma olub və bu göstərici ümumilikdə 1428,6 mln manat və ya 15,7% artıb. 

Hesabat ayında təkcə valyuta vəsaitləri artıb. Valyuta vəsaitlərinin həcmi 5337,3 mln olub, bankların ümumi depozit portfelində onların payı 54%-dək azalıb. Bir il əvvəl bu göstərici 58,7% idi. 

Sentyabrın əvvəli üçün fiziki şəxslər banklarda 4462,6 mln manat əmanət saxlayıb. Bu, ümumi göstəricinin 45,2%-dir (bir ay əvvəl 45,7%). 

Fiziki şəxslərin qısamüddətli əmanətləri 64,8 mln manat və ya 2,3% artaraq 2853,5 mln manat təşkil edib. Uzunmüddətli əmanətlər 17,5 mln manat və ya 1,1% azalaraq 1609 mln manat olub. 

Müddətli əmanətlər 6311,7 mln manatadək və ya ümumi göstəricinin 63,9%-dək artıb. 

Tələb edilənədək əmanətlərin ümumi həcmi 3566,7 mln manata çatıb. 

Azərbaycan Mərkəzi Bankının məlumatına görə, manat depozitləri və əmanətləri üzrə orta dərəcə avqustda 0,06 f.b. azalaraq 10,31% olub, xarici valyuta ilə əmanətlərdə 10,77% səviyyəsində qalıb. Hesabat ayında manat depozitləri əhalidən orta hesabla illik 10,64%, valyuta depozitləri 10,95%-lə qəbul edilib. Hüquqi şəxslər üçün bu göstərici 6,88% və 5,32% olub. --15B--