Əmlak Məsələləri Dövlət Komitəsi Bakı Yod zavodunun (Sabunçu rayonu) bazasında yaradılan “Bakı Yod” ASC-nin səhmlərinin 94,46%-i investorlara təklif edir.
Bu səhmlər dəfələrlə təklif edilib, amma onlara maraq göstərən olmayıb.
İddiaçılar qarşısında tələblər dəyişməyib. Onlar yeni texnologiyaların tətbiqini, buraxılan məhsulun keyfiyyətinin artırılmasını, müəssisənin gücünün mərhələli şəkildə artırılmasını, bina və qurğuların təmir və bərpasını, məhsul çeşidinin artırılmasını, yeni iş yerlərinin açılmasını nəzərdə tutan investisiya proqramı təqdim etməlidirlər. İddiaçılar dövlət büdcəsinə 100 min manat ödəmək təklifi etməlidirlər. Müsabiqənin qalibi 82,5 min manat əmək haqqı borcunu ödəməlidir.
Təkliflər dekabrın 3-dək qəbul edilir.
“Bakı Yod” ASC-nin nizamnamə kapitalı 203 min manatdır. 1 oktyabr 2012-ci il üçün öhdəliyi 206,2 min manat, debitor borcu 164,4 min manat olub.
Bakı Yod zavodu 1930-cu ildə istismara verilib. Bu gün müəssisənin 2 işçisi var. Ərazisi bir neçə il əvvəl Fövqəladə Hallar Nazirliyi müəssisənin ərazisini radioaktiv tullantılardan təmizləyib.
2007-ci ildə investisiya müsabiqəsi metodu ilə ISR Holding şirkətlər qrupu Neftçala Yod zavodunu özəlləşdirib. 08D
İqtisadiyyat
-
AZAL təyyarəsinin qara qutuları Braziliyadan Qazaxıstana qaytarılıb və 25 dekabrda Aktau Hava Limanı yaxınlığında baş verən aviasiya qəzasının təhlili üçün araşdırma komissiyasına təqdim edilib. Bu barədə Qazaxıstanın Baş Prokurorluğu məlumat yayıb.
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
Rəy yaz