Açiq mənbələrdən foto.
Bakı/02.11.21/Turan: Amnistiya Aktı müxtəlif növ cəzalara məhkum edilmiş 15 min nəfərə şamil olunacaq. Bu barədə bu gün Parlamentin hüquq siyasəti komitəsinin iclasında amnistiya haqqında qərar layihəsinin müzakirəsində bildirilib.
Amnistiya ağır və xüsusilə ağır cinayətlərə görə mühakimə olunanlara şamil olunmayacaq.
Bununla əlaqədar qeyd etmək lazımdır ki, amnistiya hüquq müdafiəçiləri tərəfindən siyasi məhbus kimi tanınmış şəxslərə də, demək olar ki, şamil olunmayacaq, belə ki, onlar bir qayda olaraq ağır və xüsusilə ağır cinayətlərdə ittihama görə mühakimə ediliblər.
Çox güman ki, yalnız böhtana - böyük təhlükə təşkil etməyən cinayətə görə mühakimə edilmiş, cəza müddətinin başa çatmasına 6 aydan az qalan Azərbaycan Xalq Cəbhəsi Partiyasının üzvü Əlizamin Salayev amnistiyaya ümid edə bilər.
Siyasi məhbus siyahılarında 100-dən çox insan var.
Xatırladaq ki, Amnistiya Aktının layihəsi parlamentə noyabrın 8-də qeyd olunan Zəfər Günü ilə əlaqədar ölkə prezidenti İlham Əliyev tərəfindən təqdim edilib. -06D-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz