Anar Məmmədli 4 ay müddətinə həbs edilib
Aprelin 30-da Xətai Rayon Məhkəməsi Seçkilərin Monitorinqi və Demokratiyanın Tədrisi (SMDT) Mərkəzinin rəhbəri Anar Məmmədlini 3 ay 28 gün müddətinə həbs edib. Bu barədə Turan-a onun vəkili Elmar Süleymanov bildirib.
Müdafiə tərəfi məhkəmənin qərarını qanunsuz hesab edir, çünki Məmmədlinin cinayət məsuliyyətinə cəlb edilməsi və həbs olunması üçün heç bir əsas yoxdur.
Anar Məmmədli özü də ittihamları təkzib edib, onların əsassız olduğunu və siyasi sifariş olduğunu bildirib.
Vəkilin sözlərinə görə, istintaq Məmmədlinin qaçaqmalçılıq törətməsinin heç bir dəlilini təqdim etməyib. Hakim Sülhanə Hacıyeva isə müdafiə tərəfin prosesin audioyazısının və videoçəkilişinin aparılması haqqında vəsatətini təmin etməyib.
Qərardan apellyasiya şikayəti veriləcək.
Məmmədli aprelin 29-da Abzas Media-nın işi üzrə saxlanılıb. Ona 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddə ilə ittiham irəli sürülüb.
Siyasət
-
“Azel” TV saytının təsisçisi Əfqan Sadıqov Gürcüstan həbsxanasında 62 gün davam edən aclıq nəticəsində ağır vəziyyətdədir. Bu barədə cümə axşamı onun xanımı Sevinc Sadıqova bildirib.
-
Çərşənbə günü Bayden administrasiyası tezliklə ABŞ-ın Ukraynaya piyada əleyhinə mina göndərəcəyini təsdiqləyib, Turan-ın Vaşinqton müxbiri bildirib.
-
Noyabrın 21-də səhər Birləşmiş Millətlər Təşkilatının baş katibi Antoniu Quterriş COP29 iqlim konfransının yekun tədbirlərində iştirak etmək üçün Bakıya gəlib.
-
Çərşənbə günü Vaşinqton bildirib ki, siyasi məhbusların azad edilməsi üçün Azərbaycana təzyiqləri davam etdirir. "Bizim insan hüquqlarını müdafiə etməmiz heç bir konfransla bağlı deyil. Bu gündəlik baş verən bir şeydir; COP29-dan əvvəl başlayıb və ondan sonra da davam edəcək", - Dövlət Departamentinin nümayəndəsi Metyu Miller brifinqdə bildirib. O, bunu “COP29 Azərbaycanda siyasi məhbusların azad edilməsi üçün "itirilmiş fürsət" oldumu?” sualının cavabında deyib.
Rəy yaz