Həbsdə olan azərbaycanlı hüquq müdafiəçisi Anar Məmmədli Vatslav Qavel adına nüfuzlu beynəlxalq mükafatın 2014-cü il üçün laureatı olub.
Bu barədə bazar ertəsi Strasburqda AŞPA-nın payız sessiyasının açılış mərasimində bildirilib.
Mükafat hüquq müdafiəçisinin atası Asəf Məmmədova təqdim edilib. O, deputatlar qarşısında çıxış edərkən bildirib ki, Anarın yazılı müraciət göndərmək imkanı olmayıb, buna görə o, oğlunun sözlərini çatdırır.
“Anar bu mükafata namizədliyi irəli sürüldüyünə görə təşəkkürünü bildirməyimi xahiş etdi. Postsovet respublikası vətəndaşının bu mükafata namizədliyinin irəli sürülməsi Azərbaycanda siyasi repressiyalar dövründə xüsusilə əhəmiyyətlidir.
Bu, bizə mənəvi güc verir və təkcə təmsil etdiyim təşkilatlarla deyil, həm də digər həbs edilmiş hüquq müdafiəçiləri və jurnalistlər: Leyla Yunus, Arif Yunus, İntiqam Əliyev, Rəsul Cəfərov, Bəşir Süleymanlı, Həsən Hüseynli, Pərviz Həşimli, Hilal Məmmədov və başqaları ilə həmrəyliyi nümayiş etdirir”, deyə A.Məmmədov oğlunun dediklərini ifadə edib.
Onlar hamısı “vicdan məhbusu”dur.
Sonda Məmmədli Azərbaycanda insan hüquqlarının qələbə çalacağından əminliyini ifadə edib.
Hüquq müdafiəçisinin atası həmçinin oktyabrın 1-də Praqada keçiriləcək “25 il sonra İnsan Hüquqları” mövusunda beynəlxalq konfransa dəvət edilib.
Anar Məmmədlidən başqa, İsrailin fələstinlilərin hüquqlarını müdafiə edən B'tselem təşkilatı, habelə qaçqınların hüquqlarını müdafiə edən Jesuit beynəlxalq təşkilatının filialı da mükafata namizəd idi.
Bu mükafat ikinci ildir ki, uğurlu hüquq müdafiə fəaliyyətinə görə təqdim edilir.
Ötən il Belaruslu hüquq müdafiəçisi Ales Belyatski bu mükafata layiq görülüb.
Mükafat 60 min avro təşkil edir.
Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədli 17 dekabr 2013-cü ildə həbs edilib. Bakı Ağır Cinayətlər Məhkəməsi onu qanunsuz sahibkarlıq, vəzifə səlahiyyətlərindən sui-istifadə və vergilərdən yayınma ittihamı ilə 5.5 il müddətinə azadlıqdan məhrum edib.
Amnesty İnternational Anar Məmmədlini vicdan məhbusu elan edib. -16D04-
Siyasət
-
23 saylı Nəsimi-Səbail Seçki Dairəsinin 25 saylı məntəqəsində səsvermə bitdiyinə baxmayaraq 1 saatdan çoxdur seçki qutuları açılmadığı, səssayma aparılmadığı bildirilir.
-
Yanvarın 29-da Azərbaycanda bələdiyyə seçkiləri aşağı seçici fəallığı və ciddi mübahisələr fonunda keçirildi. Seçicilər saat 08:00-dan 19:00-a qədər səs verdilər. Mərkəzi Seçki Komissiyası (MSK) prosesin problemsiz keçdiyini bildirsə də, müstəqil müşahidəçilər və müxalifət nümayəndələri seçkilərin şəffaflığı və inklüzivliyi ilə bağlı narahatlıqlarını ifadə etdilər.
-
29 yanvar saat 17-yə olan rəsmi məlumata görə, Azərbaycanda bələdiyyə seçkilərində seçicilərin 28,77%-i səs verib. Bu barədə Mərkəzi Seçki Komissiyasının nümayəndəsi Fərid Orucov bildirib. Onun sözlərinə görə, bu, 1 715 291 nəfər deməkdir.
-
Moskva Ermənistan və Azərbaycan arasında sərhədin delimitasiyası və demarkasiyası məsələsində yaxşı irəliləyiş olduğunu qeyd edir, bu barədə çərşənbə günü RF-nin baş naziri Aleksey Overçuk jurnalistlərə bildirib.
Rəy yaz