Bakı/13.12.19/Turan: ABŞ Senatının qondarma “erməni soyqırımı”nı tanınması barədə qətnaməsi heç bir hüquqi qüvvəyə malik deyil və Ankaranın hər hansı məsələdəki mövqeyinə təsir göstərməyəcək. Bunu Türkiyə prezidentinin mətbuat katibi İbrahim Kalın dekabrın 12-də qəbul edilmiş qətnaməni şərh edərkən deyib.
İ.Kalın qeyd edib ki, Ankarada “ABŞ Senatının qətnaməsini qətiyyətlə pisləyir və rədd edirlər”. Türkiyə liderinin mətbuat katibi əlavə edib ki, ABŞ Senatı tərəfindən “tarixin təhrif edilmiş şəkildə qavranılması” onu siyasi məqsədlərə çatmaq üçün alətə çevirib.
Sənədi Demokrat Partiyasından senator Robert Menendes və respublikaçı Ted Cruz təklif ediblər.
Senatın qətnamələri qanuni qüvvəyə malik deyil və tövsiyə xarakteri daşıyır. Bundan öncə ABŞ Nümayəndələr Palatası da analoji qətnamə qəbul etmişdi.
Eyni zamanda konqresmenlər və senatorlar qeyd ediblər ki, qətnamənin qəbulu əsasən Türkiyə prezidentinin antiamerika siyasəti ilə bağlıdır.
Ərdoğan Amerika ilə mübahisə etmək üçün hər şeyi edib. Qətnamələr onun davranışına cavab oldu, Vaşinqtondakı mənbələr qeyd edirlər.-02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz