Фуат Октай
Bakı/22.10.20/Turan: Bakıdan tələb gələrsə, Türkiyə tərəddüd etmədən Azərbaycana qoşun və hərbi dəstək göndərəcək. Bu barədə vitse-prezident Fuat Oktay CNN Türk telekanalına müsahibəsində bildirib.
“Prezidentimiz ilk gündən bunu açıq şəkildə ifadə edib. Azərbaycan və Türkiyə arasında hərbi sazişlər var, hərbi əməkdaşlıq haqqında sazişlər var. Ermənistan tərəfdən hadisələr gözlənilməyən inkişaf edəcəyi və belə bir təklif daxil olacağı təqdirdə Türkiyə tərəddüd etməz, prezidentimiz heç tərəddüd etməz”, deyə Oktay bildirib.
Oktay həmçinin ATƏT-in Minsk Qrupunun Dağlıq Qarabağ münaqişəsinin nizamlanması üzrə fəaliyyətini tənqidə məruz qoyub. Onun sözlərinə görə, MQ məsələnin həll edilməməsinə çalışır, həm siyasi, həm də hərbi cəhətdən Ermənistanı dəstəkləyir.
Bir müddət əvvəl Rusiya Dövlət Dumasının ermənipərəst deputatı Konstantin Zatulin “erməniləri soyqırımdan xilas etmək üçün” Qarabağa Rusiya hərbi desantının çıxarılması zərurəti barədə bəyanat səsləndirib.
Belə bir cəhd olsa, onları Azərbaycan-Türkiyə birgə desantı qarşılayacaq, Bakı buna inanır. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz