Bakı/09.11.18/Turan: Azərbaycan, Türkmənistan və Türkiyə tarixi "İpək yolu"nun dirçəlməsində əsas rol oynayırlar. Bu barədə Türkiyə XİN rəhbəri Mövlud Çavuşoğlu Aşqabadda türkmənistanlı həmkarı Rəşid Meredovla görüşündə bildirib.
"Türkmənistanlı həmkarım ilə "İpək yolu"nun dirçəlməsi, dəmir yollarının inşası, Transxəzər qaz kəmərinin tikintisi vasitəsilə və sonradan Transanadolu qaz kəmərinə (TANAP) çıxmaqla Türkmənistan qazının Avropa bazarlarına nəqli imkanlarına dair məsələlər müzakirə olundu", - "Anadolu" agentliyi M.Çavuşoğludan sitat gətirib.
Nazir bildirib ki, Türkiyə noyabrın sonlarında Türkmənistanda keçiriləcək nəqliyyat üzrə regional konfransda iştirak etməyi planlaşdırır.
O deyib ki, türkmənistanlı həmkarı ilə Türkiyə prezidenti Rəcəp Tayyip Ərdoğanın Türkmənistana qarşıdakı səfərini və Türkmənistan, Azərbayan, Türkiyə XİN rəhbərlərinin üçtərəfli görüşünün keçirilməsinin mümkünlüyünü müzakirə edib.
Görüşün yekunlarına əsasən XİN rəhbərləri 2019-2020-ci illərdə Türkiyə və Türkmənistan xarici siyasət idarələri arasında əməkdaşlıq proqramı haqda sənəd imzalayıblar. -02D-
Siyasət
-
Noyabrın 26-da Bakı Apellyasiya Məhkəməsində hüquq müdafiəçisi Anar Məmmədlinin həbsindən verdiyi şikayətinə baxılıb.
-
Noyabrın 26-da Naxçıvan Xüsusi Təyinatlı Qüvvələrinin ehtiyatda olan zabitləri etiraz aksiyası keçiriblər.
-
Noyabrın 26-da Bakı Apellyasiya Məhkəməsində keçmiş diplomat Emin İbrahimovun həbs müddətinin uzadılmasından verilmiş şikayətə baxılıb.
-
Həbsdə olan iqtisadçı alim Fazil Qasımov noyabrın 16-da ailəsi ilə telefon danışığının kəsilməsinə etiraz etdiyinə görə təzyiqə məruz qalıb.
Rəy yaz