![Ankara və Yerevan sərhəd keçidini bərpa etmək imkanlarını müzakirə edirlər](https://turan.az/resized/news/2024/6MHoeHoV4AZTHhszEYJ9SKH0mKg3AcgnwC1Wr5G7-750-500-resize.webp)
Ankara və Yerevan sərhəd keçidini bərpa etmək imkanlarını müzakirə edirlər
Ankara və Yerevan sərhəd keçidini bərpa etmək imkanlarını müzakirə edirlər
Ermənistan və Türkiyə Axurik-Akyaka dəmir yolu sərhəd keçidinin bərpası imkalarını nəzərdən keçirəcəklər, Ermənistan Xarici İşlər Nazirliyi iki ölkənin xüsusi nümayəndələri Ruben Rubinyan və Sərdar Kılıçın sərhəddə görüşünün yekunları barədə bildirib, "Sputnik-Armeniya" məlumat yayıb.
Görüş iyulun 30-da Marqara-Əlican ərazisində keçirilib. Tərəflər əvvəllər əldə edilmiş razılaşmaları təsdiqləyiblər.
"Bundan əlavə, Axurik-Akyaka dəmir yolu sərhəd keçidinin işə salınmasına imkan verəcək texniki ehtiyacları qiymətləndirmək və diplomatik/xidməti pasport sahibləri üçün viza prosedurlarını qarşılıqlı sadələşdirmək barədə razılıq əldə olunub", - məlumatda deyilir.
Tərəflər hər hansı ilkin şərt olmadan nizamlanma prosesinin davam etdirilməsinin vacibliyini qeyd ediblər.
Qeyd edək ki, bu, Ermənistan və Türkiyə xüsusi nümayəndələrinin beşinci görüşüdür. Sonuncu dəfə belə görüş iyulun 1-də Avstriyada olub.
Xatırladaq ki, hələ 2021-ci ilin dekabrında Yerevan və Ankara normallaşma üzrə danışıqlar üçün xüsusi nümayəndələr təyin ediblər.
-
- Cəmiyyət
- 30 İyul 2024 15:39
Siyasət
-
İran prezidentinin andiçmə mərasimində iştirak etmək üçün Tehrana gedən Azərbaycanın baş naziri Əli Əsədovu təkcə vitse-prezident Məhəmməd Rza Arif qəbul edib.
-
Bakı Ağır Cinayətlər Məhkəməsində jurnalistlərin məhkəmə proseslərinə buraxılması dayandırılıb.
-
Keçmiş diplomat Emin İbrahimov 7 gündür ki, 1 saylı Şüvəlan İstintaq Təcridxanasında aclıq edir. Bu barədə Turan-a vəkil Bəhruz Bayramov iyulun 30-da onunla görüşdən sonra bildirib. Vəkil qeyd edib ki, İbrahimov 16 məhbusun, o cümlədən residivistlərdən olduğu kameradan ayrı kameraya köçürülüb.
-
Azərbaycanın baş naziri İranın yeni seçilmiş prezidenti Məsud Pezeşkianın andiçmə mərasimində iştirak etmək üçün İrana gedib.
Rəy yaz