![Ann Brasser Azərbaycanda fəalların təqib edilməsini pisləyib](https://turan.az/resized/media/2015/main/092900131067-750-500-resize.webp)
Ann Brasser Azərbaycanda fəalların təqib edilməsini pisləyib
Bazar ertəsi Strasburqda Avropa Şurası Parlament Assambleyasının sessiyasında qurumun rəhbəri Ann Brasser öz çıxışını Avropada insan hüquqlarına hörmətlə yanaşılması məsələsinə toxunub.
Əsasən o, bir sıra AŞ ölkələrində bu hüquqların ciddi pozulduğunu qeyd edib.
“Bəzi ölkələrdə hüquq müdafiəçiləri, vətəndaş cəmiyyəti fəalları təqiblərə, təzyiqlərə, hədə- qorxulara məruz qalır. Avropa Şurasına üzv dövlətlər üçün bu, yolverilməzdir”, - o vurğulayıb.
AŞPA Vaslav Havel mükafatının ötənilki laureatı Anar Məmmədlinin adını çəkib.
A.Məmmədlini siyasi məhbus adlandıran Brasser təəssüflə deyib ki, Azərbaycana səfəri zamanı onunla görüşmək istəyib, lakin bundan imtina edilib.
“Azərbaycanda insan haqlarının vəziyyətinin daim pisləşməsi Azərbaycan hakimiyyətinin Avropa Şurasının fundamental dəyərlərinə hörmət etmədiyini göstərir”, - o vurğulayıb.
“Leyla və Arif Yunusların, Xədicə İsmayılovanın barəsində çıxarılan hökmlər bizi olduqca narahat edir. Azərbaycanda insan hüquqları məsələsinə münasibətin köklü şəkildə dəyişdirilməsinin, hüquq sistemindəki problemlərin aradan qaldırılmasının, KİV, toplaşma və assosiasiya azadlığına hörmətlə yanaşılmasının vaxtı çoxdan çatıb”, -A.Brasser bildirib.
Azərbaycanda keçiriləcək parlament seçkilərinə toxunan AŞPA rəhbəri deyib ki, Bakının ATƏT DTUHB-nin lazımi sayda müşahidəçisini qəbul etməkdən imtina etməsi “bu seçkilərin AŞ standartlarına və Azərbaycanın bu təşkilat qarşısındakı öhdəliklərinə uyğunluğu barədə nəticəyə gəlməyə imkan verməyəcək”.-16D-
-
- İqtisadiyyat
- 29 Sentyabr 2015 14:42
-
- İqtisadiyyat
- 29 Sentyabr 2015 15:16
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz