Bakı–Sumqayıt marşrutu üçün vaqonlar İsveçrənin «Stadler Rail Group» şirkətinin Minsk zavodundan alınmışdısa, Bakı–Tbilisi-Qars marşrutu üçün sərnişin vaqonları Busnanq şəhərindən alınacaq.
«Azərbaycan Dəmir Yolları» QSC bildirir ki, ilk 10 vaqon gələn ilin iyul-avqustunda gətiriləcək. Bakı-Tbilisi-Qars marşrutu üzrə hərəkət edəcək qatarlar üçün Azərbaycan tərəfi "Stadler" şirkətinə 30 ədəd yataq tipli vaqon sifariş edib. Vaqonlar "standart", "komfort", "biznes" və "restoran" olmaqla dörd kateqoriyada istehsal olunur. Kateqoriyasından asılı olaraq vaqonlar 10, 20 və 32 yerlik olacaq.
11 iyun 2014-cü il tarixli sazişə əsasən, 30 vaqonun qiyməti 120 mln İsveçrə frankı olacaq. Sifarişdə 27 yataq vaqonu və 3 vaqon restoran nəzərdə tutulub. Sazişə əsasən, ehtiyat hissəsləri də tədarük ediləcək və xidmət heyətinə təlim keçiriləcək.
BTQ 2008-ci ildən inşa edilir. Qarsdan Axalkələk stansiyasına 98 km-dir. Layihə 183 km-lik Axalkələk-Tbilisi sahəsinin yenidən qurulmasını da nəzərdə tutur.
Azərbaycan Gürcüstan tərəfinə $775 mln-luq iki güzəştli kredit verib. --17D
İqtisadiyyat
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
-
Bakı Metropoliteninin rəhbərliyi tez-tez yeni metro xətləri və stansiyaları ilə bağlı layihələr elan edir, lakin rəsmi məlumatlarda bir kilometr xətlərin çəkilməsi və ya konkret metro stansiyalarının tikintisinin dəyəri haqqında heç bir məlumat verilmir. Jurnalistlər bəzi məlumatları qeyri-rəsmi mənbələrdən əldə edirlər ki, bu da belə məlumatların etibarlılığına şübhə yaradır. Məsələn, 2021-ci ildə hökumətin qeyri-rəsmi mənbəsi tərəfindən Bənövşəyi xətt üzrə bir stansiyanın tikintisinin planlaşdırılmış işlərinin dəyərinin 60 milyon manat olduğu bildirilmişdi. Bu məbləğə isə daxili işləmə işləri, rabitə xətləri, elektronika, eskalator və liftlərin quraşdırılması daxil deyildi.
-
Azərbaycan Milli Məclisi (Parlament) bazar ertəsi 2025-ci il üçün dövlət büdcəsi layihəsini müzakirə etməyə başlayıb. Layihədə xərclər 41,368 milyard manat səviyyəsində proqnozlaşdırılır.
Rəy yaz