Bu gün Bakı Apellyasiya Məhkəməsində konfliktoloq Arif Yunusun həbsi ilə bağlı şikayətinə baxılıb.
Prosesdə A.Yunus özü də iştirak edib. Bu barədə Turan-a vəkil Xalid Bağırov bildirib.
Məhkəmə şikayəti təmin etməyib və birinci instansiya məhkəməsinin qərarını qüvvədə saxlayıb.
Qeyd edək ki, avqustun 7-də A.Yunus MTN İstintaq Təcridxanasına köçürülüb. Vəkilin sözlərinə görə, bununla bağlı heç bir izahat verilməyib.
Avqustun 5-də Nəsimi Rayon Məhkəməsi konfliktoloq Arif Yunusun 3 ay müddətinə həbs olunması barədə qərar çıxarıb.
İyulun 30-da o, polis nəzarətinə götürülüb, həyat yoldaşı, SDİ-nin direktoru Leyla Yunus isə həbs olunub. Onlar dövlətə xəyanətdə və digər cinayətləri törətməkdə ittiham olunurlar.
Beynəlxalq hüquq müdafiə təşkilatları Yunusların həbsini pisləyiblər və onların cinayət təqibinin siyasi motivləri olduğunu bəyan ediblər. -1606D-
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz