Apellyasiya Məhkəməsi Əziz Orucovu həbsdə saxladı
Bakı/04.12.23/Turan: Kanal 13 intetnet televiziyasının rəhbəri Əziz Orucovun həbs qətimkan tədbiri ilə bağlı məhkəmə qərarından verilmiş apellyasiya şikayəti təmin edilmədi.
Bu barədə vəkil Bəhruz Bayramov məlumat verib.
Onun sözlərinə görə, şikayətə Bakı Apellyasiya Məhkəməsində baxılıb. Müdafiə tərəfi onun istintaq zamanı azadlığa buraxılmasını istəmişdi.
Vəkil qeyd edib ki, Ə.Orucovun təqsirləndirildiyi cinayət az ağır cinayət qrupuna aiddir və bunun üçün Ə.Orucovu istintaq zamanı həbsdə saxlamağa ehtiyac yoxdur: "Bu maddə Azərbaycanda işlək deyil və biz bu maddə ilə neçə nəfər barəsində həbs qətimkan tədbiri seçildiyi haqqında sorğu verəcəyik. Əziz Orucov məhkəmədə bildirib ki, həbsi jurnalist fəaliyyəti ilə bağlıdır".
Hüquq müdafiəçiləri Orucovu siyasi məhbus kimi tanıyıblar.
Siyasət
-
Ukrayna Prezidenti Volodimir Zelenski Qazaxıstanın Aktau şəhəri yaxınlığında Azərbaycan Hava Yollarına (AZAL) məxsus Embraer 190 təyyarəsinin qəzaya uğramasından sonra Rusiyaya təzyiqin artırılmasına çağırıb. Zelenski bu fikri 22 yanvarda Davosda keçirilən Dünya İqtisadi Forumunda Azərbaycan Prezidenti İlham Əliyevlə görüş zamanı səsləndirib.
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
Rəy yaz