Apellyasiya Məhkəməsi Fərid Mehralızadəni azad etməyib
Apellyasiya Məhkəməsi Fərid Mehralızadəni azad etməyib
Bakı Apellyasiya Məhkəməsi iqtisadçı Fərid Mehralızadənin həbsilə bağlı şikayəti təmin etməyib, vəkil Cavad Cavadov Turan-a bildirib.
Müdafiə tərəfi həbsin qanunsuz olmasına dair dəlilləri məhkəməyə təqdim edib. "Fərid özü də həbsi üçün əsasın olmadığını dedi. Onun "Abzas Media" nəşrilə heç bir əməkdaşlığı olmayıb. Təəssüf ki, məhkəmə bütün bunları nəzərə almadı", - vəkil deyib.
Onun sözlərinə görə, növbəti mərhələdə müdafiə tərəfi həbsin ev dustaqlığı ilə əvəz olunması barədə məhkəməyə müraciət edəcək. Cavadov deyib Mehralızadənin saxlanma şəraitilə bağlı şikayəti yoxdur.
*Mayın 31-də Fərid Mehralızadə “Abzas Media”nın işi üzrə saxlanılıb. Ona qarşı Cinayət Məcəlləsinin 206.3.2-ci (qabaqcadan əlbir olan bir qrup şəxs tərəfindən qaçaqmalçılıq) maddəsilə ittiham irəli sürülüb və iyunun 1-də Xətai Rayon Məhkəməsi iqtisadçını 3 ay 20 gün müddətinə həbs edib. Bu iş üzrə altı jurnalist və media işçisi həbs olunub. Digər iki nəfərin barəsində cinayət işləri ayrıca icraata götürülüb.
-
- Siyasət
- 6 İyun 2024 12:39
Siyasət
-
Sentyabrın 1-də keçiriləcək növbədənkənar parlament seçkilərinin monitorinqinin aparılması üçün 30-a yaxın beynəlxalq təşkilata dəvət göndəriləcək. Bu barədə Mərkəzi Seçki Komissiyasının sədri Məzahir Pənahov qurumun bugünkü iclasında bildirib.
-
İyulun 2-də Azərbaycan ordusunun Baş Qərargah rəisi Kərim Vəliyev Azərbaycanda səfərdə olan NATO-nun Brunsumdakı Birləşmiş Qüvvələri Komandanlığının qərargah rəisinin müavini Stefan Fiks ilə görüşüb.
-
İyulun 2-də Bakı Apellyasiya Məhkəməsində "Kanal 13" İnternet- televiziyanın rəhbəri Əziz Orucovun həbs müddətinin uzadılmasından şikayətinə baxılıb. Şikayət Orucovun və bu KİV-in əməkdaşı Şamo Eminovun həbs müddətinin daha 3 ay, sentyabrın 27-dək uzadılması ilə bağlı Səbail Rayon Məhkəməsinin 25 iyun tarixli qərarından verilib.
-
İyulun 2-də Azərbaycanın müdafiə naziri Zakir Həsənov Belarusa gedib, Azərbaycan Müdafiə Nazirliyinin mətbuat xidməti bildirib.
Hakimiyyət seçkiöncəsi niyə qiymət artımı etdi? – Nəsimi Məmmədli Çətin sualda
Xəbər lenti
-
- Maliyyə,
- 11:00
- 319
Rəy yaz