![Apellyasiya Məhkəməsi jurnalisti həbsdə saxlayıb](https://turan.az/resized/news/2024/619E4rwucV4bpajLeeRNQCcWtFGU8xDHzcuzfVNB-750-500-resize.webp)
Apellyasiya Məhkəməsi jurnalisti həbsdə saxlayıb
Apellyasiya Məhkəməsi jurnalisti həbsdə saxlayıb
İyunun 14-də Bakı Apellyasiya Məhkəməsi araşdırmaçı jurnalist Hafiz Babalının həbs müddətinin 1 ay – iyulun 13-dək uzadılması ilə bağlı şikayətini təmin etməyib.
Onun vəkili Rəsul Cəfərov Turan-a bildirib ki, müdafiə tərəfi Babalının cinayət təqibini və həbs olunmasını əsassız hesab edir. Babalı görmə üzrə üçüncü qrup əlildir. Bundan əlavə, aşağı ətraf damarlarının varikoz genişlənməsindən əziyyət çəkir və bu xəstəlik istintaq təcridxanasında kəskinləşib. Jurnalistin cərrahi əməliyyata ehtiyacı var.
*Hafiz Babalı 2023-cü ilin dekabrında “Abzas Media” nəşrinin əməkdaşlarına qarşı cinayət işi çərçivəsində həbs edilib. Onlar qabaqcadan əlbir olan bir qrup şəxs tərəfindən xarici valyuta qaçaqmalçılığında ittiham olunurlar.
Həbs olunanlar özlərini günahkar hesab etmirlər. Hüquq müdafiəçiləri onları siyasi məhbuslar kimi tanıyıblar. Beynəlxalq təşkilatlar onların azadlığa buraxılmasını tələb edirlər.
Siyasət
-
12-14 iyun tarixlərində Gürcüstanın Batumi şəhərində, Acarıstanda 8-ci Qara Dəniz Sammiti keçirilib. Tədbir siyasi liderlər və ekspertlər bir araya gələrək regional əməkdaşlıq və iqtisadi inkişafı müzakirə edib. Avropa Regionları Assambleyası (AER) tərəfindən təşkil olunan sammit Qara dəniz regionunda birliyi gücləndirməyə və əsas problemlərin həllinə yönəlib.
-
Bazar ertəsi Birləşmiş Ştatlar ötən həftə sonu İsveçrədə keçirilmiş sammiti "Ukraynada ədalətli sülh yolunda mühüm mərhələ" kimi alqışlayıb, Turan-ın Vaşinqton müxbiri bildirib.
-
Ermənistanın baş naziri Nikol Paşinyan Azərbaycanın Zəngilan rayonu ilə həmsərhəd Sünik vilayətinə bu yaxınlardakı səfəri zamanı sərhədin delimitasiyası və demarkasiyasının növbəti mərhələsi çərçivəsində Kərki kəndilə bağlı mübahisəli məsələnin həllinin mümkünlüyünə işarə edib. Hökumətyönlü armtimes.com veb saytında dərc edilən bu bəyanat Ermənistan və Azərbaycan arasında sərhəd üzrə davam edən danışıqlarda əhəmiyyətli irəliləyişin olduğunu göstərir.
-
Ukraynadan olan otuz uşaq bu gün sosial-psixoloji reabilitasiya üçün Bakıya gəlib. Əmək və əhalinin Sosial Müdafiəsi Nazirliyi yanında sosial xidmətlər Agentliyi 10 gün ərzində Bakı düşərgələrindən birində istirahət proqramı təşkil edir.
Rəy yaz