Bu gün Bakı Apellyasiya Məhkəməsi NİDA hərəkatının fəalı Rəşadət Axundovun həbs müddətinin uzadılması ilə bağlı fəalın apellyasiya şikayətinə baxıb.
Məhkəmə şikayəti təmin etməyib. Bu barədə Turan-a vəkil Rəşid Hacılı bildirib. Onun sözlərinə görə, məhkəmənin qərarı əsassızdır. Belə ki, istintaq R.Axundovun həbsdə saxlanması üçün fakt və əsas təqdim etməyib.
“Belə olan vəziyyətdə məhkəmə işə mahiyyəti üzrə baxılana qədər R.Axundovu azad etməlidir”, - o vurğulayıb.
R.Axundov həbs olunmuş yeddi nəfər NİDA üzvündən biridir. Onlar partlayıcı və narkotik maddə saxlamaqda ittiham olunurlar. Gənc fəallar martın 10-da əsgər ölümlərinə etiraz aksiyası zamanı partlayıcı və narkotik maddələrdən istifadə etməklə iğtişaşlar hazırlamaqda təqsirli bilinirlər.
Üç gənc aksiyadan əvvəl, qalanları növbəti həftələrdə həbs olunublar. Amnesty İnternational təşkilatı onları vicdan məhbusları sayaraq dərhal azadlığa buraxılmalarını tələb edib. -16B06-
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz