![Açiq mənbələrdən foto.](https://turan.az/resized/media/2023/main/072800064874-750-500-resize.webp)
Açiq mənbələrdən foto.
Apellyasiya Məhkəməsi Qubad İbadoğlunu həbsdə saxlayıb
Bakı/28.07.23/Turan: Bu gün Bakı Apellyasiya Məhkəməsi Azərbaycan Demokratiya və Rifah Partiyasının sədri Qubad İbadoğlunun həbsinə dair şikayəti təmin etməyib.
Məhkəmə iclasından sonra vəkil Zibeyd Sadıqova bildirib ki, müdafiə tərəfi qətimkan tədbirinin dəyişdirilməsi və İbadoğlunun həbsdən azad edilməsi barədə vəsatət qaldırıb.
Qeyd olunub ki, İbadoğlu cəmiyyətdə tanınmış adamdır. Aparıcı beynəlxalq elmi-təhsil mərkəzləri, o cümlədən ABŞ və Böyük Britaniyada tanınan alim iqtisadçı və reputasiyasına dəyər verən belə bir şəxs istintaqdan gizlənməz. Digər tərəfdən, İbadoğlunun səhhətində ciddi problemlər var, şəkərli diabet, hipertoniya xəstəliyindən əziyyət çəkir və həbsdə olmaq onun xəstəliyini ağırlaşdıra bilər.
Lakin məhkəmə dəlilləri qəbul etməyib və İbadoğlunu həbsdə saxlayıb.
Müdafiə İbadoğlunu azad etmək üçün hüquqi addımları davam etdirəcək, əsasən onun ev dustaqlığına buraxılması üçün vəsatət qaldıracaq.
*Xatırladaq ki, Azərbaycan Demokratiya və Rifah Partiyasının rəhbəri Qubad İbadoğlu iyulun 23-də günorta saxlanılıb. Bazar ertəsi ona qarşı Azərbaycan Cinayət Məcəlləsinin 204 .3.1-ci maddəsilə (mütəşəkkil dəstə tərəfindən satış məqsədi ilə saxta pul, qiymətli dövlət kağızları və ya xarici valyuta, yaxud xarici valyutada ifadə olunan qiymətli kağızları hazırlama, habelə əldə etmə və ya satma) ittiham irəli sürülüb. Bu maddə üzrə onu 8 ildən 12 ilədək həbs cəzası təhlükəsi gözləyir. İyulun 24-də məhkəmə istintaq müddətində onu 4 ay həbs edib. Hüquq-müdafiə təşkilatları İbadoğluya qarşı təqibləri pisləyiblər və onun azad olunmasını tələb ediblər.
**Ötən ay İbadoğlu Milli Şuranın rəhbəri, professor Cəmil Həsənli və Avropada siyasi mühacirətdə olan diplomat Arif Məmmədovla birlikdə Azərbaycan gənclərinin təhsil fondunun yaradıldığını bildirib. Fond Londonda qeydiyyatdan keçib.
Qubad İbadoğlu xaricdəki azərbaycanlı məmurların əmlakının müsadirə edilməsi və həmin vəsaitlərin bu fonda köçürülməsi təşəbbüsü ilə çıxış edib. 06B
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz