Apellyasiya Məhkəməsi Qubad İbadoğlunun növbəti şikayətini təmin etməyib

Bakı/21.08.23/Turan: Avqustun 21-də Bakı Apellyasiya Məhkəməsi həbsdə olan müxalifətçi və iqtisadçı Qubad İbadoğlunun şikayətini təmin etməyib. O, son 2 ildə olmadığı ofisində axtarış aparılması barədə Nərimanov məhkəməsinin qərarına etiraz edib.

Prosesdə Qubad İbadoğlu özü də iştirak edib. O, axtarış və həbsinin qanunsuz olduğunu bir daha bildirib.

İbadoğlunun qardaşı Qalib Turan-a bildirib ki, Qubad İbadoğlu çox arıqlayıb. Arterial  təzyiq və qanda yüksək qan şəkərdən əziyyət çəkir.

* İyulun 24-də Bakının Nərimanov Rayon Məhkəməsi Qubad İbadoğlunu saxta pul hazırlamaqda ittiham edərək 3 ay 26 gün müddətinə həbs edib.

Azərbaycan Daxili İşlər Nazirliyindən bildiriblər ki, İbadoğlu 2016-cı ildə Türkiyədə dövlət çevrilişinə cəhddə ittiham olunan Fətullah Gülənin tərəfdarları ilə əlbirdir.

Qubad İbadoğlu ittihamları absurd hesab edərək qəbul etmir. 16D