Apellyasiya Məhkəməsi Şamo Eminovu həbsdə saxlayıb

İyulun 3-də Bakı Apellyasiya Məhkəməsi “Kanal-13” İnternet- televiziyanın əməkdaşı Şamo Eminovun həbs müddətinin uzadılması barədə şikayəti təmin etməyib. Bu barədə Turan-a onun vəkili Elçin Sadıqov bildirib. Onun sözlərinə görə, Eminov prosesdə iştirak edib və məhkəmənin qərarına etiraz edib.

"Şamo Eminov bildirdi ki, heç bir şeydə günahkar deyil və istintaq onun günahını sübuta yetirməyib. Eminov dedi ki, onu peşəkar jurnalist fəaliyyətinə görə təqib edirlər", - vəkil deyib.

Kanal-13-ün rəhbəri əziz Orucov və Şamo Eminov 2023-cü ilin noyabr-dekabr aylarında mütəşəkkil qrupun tərkibində valyuta qaçaqmalçılığı ittihamı ilə həbs olunublar.

“Kanal-13”ün rəhbəri Əziz Orucov və Şamo Eminov 2023-cü ilin noyabr-dekabr aylarında mütəşəkkil qrupun tərkibində valyuta qaçaqmalçılığı ittihamı ilə həbs olunublar.

Onlar ittihamları rədd edərək həbsin əsl səbəbinin jurnalist fəaliyyətilə əlaqədar olduğunu bildiriblər.

"Sərhədsiz reportyorlar", “Beynəlxalq amnistiya”, Avropa Jurnalistlər Federasiyası və digər yerli və beynəlxalq hüquq- müdafiə təşkilatları, həmçinin Avropa İttifaqının insan hüquqları üzrə xüsusi nümayəndəsi, Avropa Şurası Parlament Assambleyasının məruzəçiləri Bakını müstəqil KİV-ə təzyiqləri dayandırmağa və həbsdə olan jurnalistləri azad etməyə çağırıblar.

İyunun 27-də məhkəmə onların həbs müddətini üç ay uzadıb.