Mayın 29-da Bakı Apellyasiya Məhkəməsi P.S Nota qəzeti və onun www.psnota.com İnternet versiyasının baş redaktoru Sərdar Əlibəylinin barəsində ittiham hökmünü dəyişiklik olmadan qüvvədə saxlayıb. Bu barədə vəkil Elçin Sadıqov bildirib.
Müdafiə tərəfi Ali Məhkəməyə kassasiya şikayəti verəcək.
S.Əlibəyli 2013-cü il iyulun 31-də Natiq Əmirov adlı şəxsin şikayəti əsasında saxlanılıb. Ona qarşı CM-in 221.3 maddəsi (silah və ya silah kimi istifadə olunan əşyanın tətbiqilə xuliqanlıq) ilə ittiham irəli sürülüb.
Noyabrın 13-də Xətai Rayon Məhkəməsi onu 4 il azadlıqdan məhrum edib.
Yanvarın 13-də Bakı Apellyasiya Məhkəməsinin ilkin iclasında təkrar məhkəmə istintaqının aparılması ilə bağlı müdafiə tərəfinin vəsatəti təmin edilməyib. Qərardan Ali Məhkəməyə şikayət verilib, lakin yenə təmin edilməyib.
Mayın 29-da Bakı Apellyasiya Məhkəməsi şikayətə mahiyyəti üzrə baxaraq Xətai məhkəməsinin qərarını qüvvədə saxlayıb.
S.Əlibəyli tənqidi və təhqiredici yazılarına görə dəfələrlə cinayət təqiblərinə məruz qalıb.
Onun həmkarları hesab edirlər ki, bu dəfə S.Əlibəylinin həbsinə Facebook-da dövlət başçısı İlham Əliyevin ünvanına tənqidi iradları və onunla bağlı kollajın yerlışdirilməsi, həmçinin siyasi mühacir İsa Sadıqovun yazılarının dərci səbəb olub.
Amnesty International beynəlxalq hüquq-müdafiə təşkilatı S.Əlibəylini “vicdan məhbusu” kimi tanıyıb. –06В--
Siyasət
-
Noyabrın 15-də bir qrup iqlim fəalı Bakıda Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) Afrika qitəsində ətraf mühitin çirkləndirilməsi, böyük şirkətlərin ekoloji duruma neqativ təsiri, faydalı qazıntılardan əldə edilən gəlirin bir hissəsinin iqlim fəalkətlərinin bərpasına yönəldilməməsinə etiraz olaraq aksiya keçirib.
-
Noyabrın 15-də iqlim fəalları Bakıda Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iri ekoloji çirkləndiricilərə qarşı aksiya keçiriblər.
-
Azərbaycan prezidenti İlham Əliyev "Fələstin dövlətinin milli bayramı" münasibətilə Fələstin prezidenti Mahmud Abbasa təbrik məktubu göndərib. Məktubda deyilir: “Fələstin dövlətinin milli bayramı münasibətilə sizə və sizin simanızda bütün xalqınıza öz adımdan və Azərbaycan xalqı adından ən səmimi təbriklərimi və xoş arzularımı çatdırıram.
-
"Qlobal iqlim siyasəti prosesi artıq öz məqsədinə uyğun gəlmir və planetar sabitliyin və bəşəriyyətin layiqli gələcəyini təmin etmək üçün hərtərəfli düzəliş tələb edir". Bu barədə dünya liderlərinin Bakıda COP29-da toplaşdığı vaxtda bir qrup görkəmli alim və siyasətçinin Birləşmiş Millətlər Təşkilatına üzv dövlətlərə və Birləşmiş Millətlər Təşkilatı Çərçivə Konvensiyasının icraçı katibi Simon Ştilə açıq məktubunda deyilir.
Rəy yaz