Aprelin 27-də Çexiyanın Azərbaycandakı səfirliyi Bakıda Viza Mərkəzini açacaq

Çexiyanın Azərbaycandakı səfirliyi viza üçün sənədlərin verilməsi prosesindəki dəyişikliklərlə əlaqədar, eyni zamanda Azərbaycan və xarici vətəndaşlara xidməti daha da təkmilləşdirmək məqsədilə Bakıda Viza Mərkəzini açacaq.

Viza mərkəzinin açılması nəticəsində bəzi xoşagəlməz halların qarşısının alınması üçün sənəd qəbulunda dəyişikliklər aparılacaq.

Aprelin 6-dan başlayaraq viza üçün sənədləri həm Viza Mərkəzində, həm də Çexiya səfirliyinin konsulluq şöbəsində yalnız ilkin qeydiyyata düşməklə təqdim etmək mümkün olacaq. Qeydiyyat bazar ertəsi – cümə günləri saat 09.00-dan – 13.00-dək və 14.00-dan – 16.00-dək aşağıda göstərilən telefon nömrəsi ilə keçiriləcək:

+994 12 404 76 38

Aprelin 27-dən başlayaraq sənədlərin qəbulu ancaq qeydiyyata düşənlər üçün mümkün olacaq. Bu tarixdən etibarən qeydiyyata düşməyən şəxslərin sənədləri Çexiya səfirliyinin konsulluq şöbəsində və həmçinin Viza Mərkəzində qəbul edilmiyəcək.

Viza Mərkəzi Bakı şəhəri, Xocalı prospekti 37, Demirçi Tower, 2-ci mərtəbə ünvanında (Xətai metro stansiyasının yanında) yerləşəcək.

Viza mərkəzinin rəsmi saytı: www.vfsglobal.com

Sənədlərin qəbulu bazar ertəsi-cümə saat 09.00-dan – 16.00-dək keçiriləcək. Pasportların verilməsi bazar ertəsi-cümə  saat 11.00-dan – 17.00-dək keçiriləcək. Nahar fasiləsi: saat 13.00-dan – 14.00-dək.

Viza Mərkəzi yalnız qısamüddətli Şengen vizasına sənədləri qəbul edəcək. Uzunmüddətli viza üçün sənədlərin qəbulu və notarial xidmətlər (sənədlərin, imzaların təsdiqlənməsi və s.) əvvəllər olduğu kimi yalnız Çexiya səfirliyinin konsulluq şöbəsində həyata keçiriləcək.

Yeni qaydalarla və sənədlərin qəbulu ilə bağlı bütün məlumatları aşağıda göstərilən telefon nömrəsi vasitəsilə əldə etmək olar: +994 12 404 76 38