![Aprelin sonlarında Fransa prezidenti Ermənistan və Azərbaycana səfər edəcək](https://turan.az/resized/750/500/resize/media/2015/main/032100110484.jpg)
Aprelin sonlarında Fransa prezidenti Ermənistan və Azərbaycana səfər edəcək
Fransa prezidenti Fransua Olland aprelin sonlarında Cənubi Qafqaza səfər edəcək. Səfər zamanı o, Azərbaycan və Ermənistan prezidentləri ilə Dağlıq Qarabağ nizamlanmasına dair danışıqlar aparacaq. Bu barədə Fransanın Avropa məsələləri üzrə dövlət katibi Arlem Dezir bildirib.
“Paris Dağlıq Qarabağ münaqişəsinin nizamlanması və bu regionda öz müqəddəratını təyinetmə hüququnun müdafiəsi üçün səylərini göstərəcək”, - “Novosti-Armeniya” A.Dezirdən sitat gətirib. Diplomat qeyd edib ki, hazırki status-kvo Azərbaycanın və Ermənistanın maraqlarına cavab vermir.
“Odur ki, respublika prezidenti diplomatik təşəbbüslərin bərpasına yardım göstərmək niyyətilə 2014-cü il oktyabrın 27-də Ermənistan və Azərbaycan prezidentlərinin (Serj Sarkisyan və İlham Əliyev) sammitini çağırıb. Görüş zamanı ilk humanitar addım – itkin düşənlər haqda informasiya mübadiəsinə dair razılaşma əldə olunub”, - A.Dezir xatırladıb.
“Son ayların gərginliyi bu prinsiplərin həyata keçirilməsinin vacibliyini göstərir. Fransa bu istiqamətdə səylərini fəal şəkildə davam etdirir”, - o vurğulayıb.
Ötən payız F.Olland Parisdə Azərbaycan və Ermənistan prezidentlərinin görüşünü təşkil etmişdi. Ötən ilin mayında isə Azərbaycana rəsmi səfər edib.
-
- İqtisadiyyat
- 21 Mart 2015 12:07
-
- Analitika
- 22 Mart 2015 02:08
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz