Açiq mənbələrdən foto.
Araik Ağdama gedən yolu açmaq istəyir: Qarabağda çevriliş hazırlanır
Bakı/22.08.23/Turan: Separatçıların lideri Ağdam vasitəsilə Qarabağa yol açmağı planlaşdırır.
Bu, onun opponentlərinin, o cümlədən rusiyalı biznesmen Ruben Vardanyan və daşnakların etirazına səbəb olub.
Öz növbəsində Araik Arutyunyanın silahlı tərəfdarları “hökuməti”, “parlamenti” dağıdacaqları və “böhran şurası” yaradarq bütün hakimiyyəti ona verməklə hədələyirlər.
Hər şey bir neçə gün əvvəl Araik Arutyunyan istefa vermək niyyətində olduğunu elan edəndən sonra başlayıb.
Bundan sonra Ruben Vardanyan onu ictimaiyyəti aldatmaqda və getmək barədə fikrini dəyişməkdə ittiham edib. O, Arutyunyana göndərdiyi videomüraciətdə deyib: “Siz nə lider, nə də ali komandan ola bildiniz və bu, davranışınızla bağlıdır”.
“Həftənin əvvəlində siz istefaya gedəcəyinizə inandırdınız və artıq qərar verdiyiniz üçün sizi razı salmağa ehtiyac yoxdur. 8 nəfərin iştirak etdiyi iclasda çoxları sizə inanmadı. Siz elə etdiniz ki, dövlət başçısının sözlərinə heç kim inanmasın, sizin sözləriniz boş şeydir”, - deyə o, sözlərinə davam edib.
Daha sonra o qeyd edib ki, Arutyunyan “qırmızı xətti” keçib və xalq bunu ona bağışlamayacaq. Eyni zamanda, o, bununla nə demək istədiyini açıqlamayıb.
Bu sualın cavabı erməni mətbuatında yer alıb. KİV-ə görə, Arutyunyan Azərbaycanla əməkdaşlığa razıdır və Ağdamdan Qarabağa yolu açmağa hazırdır. “Past” nəşrinin məlumatına görə, yaxın vaxtlarda Bərdədə Qarabağ ermənilərinin nümayəndələrinin Azərbaycan hakimiyyəti ilə görüşü keçiriləcək və orada bütün məsələlər razılaşdırılacaq.
Bu planlar təkcə Ruben Vardanyanın deyil, daşnakların təmsil etdiyi Azərbaycanla barışıq əleyhdarlarının da etirazına səbəb oldu.
Qarabağ “parlamenti”nin rəhbəri David İşxanyanın Bakı ilə münasibətlərin normallaşdırılması istiqamətində addımların qarşısının alınması cəhdləri ona gətirib çıxardı ki, Arutunyanın silahlı tərəfdarları “parlamenti” ələ keçirdilər və İşxanyan sakitləşməsə, onu cəzalandıracaqları ilə hədələdilər.
Bu barədə videomüraciətində “yaraqlıların komandiri” Karen Matevosyan bildirib. Qarabağdan gələn xəbərlərə görə, bu hərbi dəstənin üzvləri Arutyunyanın əleyhdarlarına təzyiq göstərir və onları cəzalandıracaqları ilə hədələyirlər.
Göründüyü kimi, Azərbaycanla reinteqrasiya ideyasının əleyhdarları boyun əymək niyyətində deyillər və qətiyyətli addımlara da hazırdırlar. Amma güc strukturlarınınb və hər şeydən əvvəl Qarabağ ordusunun mövqeyi hələ bəlli deyil.
Hadisələrin necə inkişaf edəcəyi hələ bəlli deyil, lakin İrəvanın susması Ermənistanın bu prosesə müdaxilə etmək niyyətində olmadığını deməyə əsas verir. Eyni zamanda, vəziyyətin gərginləşməsi və müxtəlif qruplar arasında silahlı qarşıdurmanın başlaması Bakının Qarabağdakı qanunsuz silahlı birləşmələri tərksilah etmək planlarını sürətləndirə bilər. 02B
-
- İqtisadiyyat
- 22 Avqust 2023 12:06
-
- Siyasət
- 22 Avqust 2023 12:27
Siyasət
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
-
Progress & Change Action Lab beynəlxalq qeyri-hökumət təşkilatının prezidenti Florian Irminger Birləşmiş Millətlər Təşkilatının İqlim Dəyişikliyi üzrə Çərçivə Konvensiyasının icra katibi Simon Stilə məktub göndərib. Məktubda deyilir:
-
Azərbaycan pasportu 2024-cü ilin birinci yarısı üçün Henley& Partners pasport indeksində 69-cü yerə yüksəlməklə nəzərəçarpacaq dərəcədə yaxşılaşıb. Pasport sahiblərinə təqdim olunan vizasız istiqamətlərin hesablanması yoluyla qlobal mobilliyi qiymətləndirən bu indeks beynəlxalq səyahətlər azadlığı sahəsində Azərbaycanın irəlilyişini önə çəkir.
Rəy yaz