Açiq mənbələrdən foto.
Ermənistan-Azərbaycan sərhədində və Qarabağda vəziyyət gərginləşir
Bakı/22.08.23/Turan: Azərbaycan Müdafiə Nazirliyinin avqustun 22-də verdiyi məlumata görə, Ermənistan ərazisindən açılan atəş nəticəsində Azərbaycan Ordusunun hərbi qulluqçusu Nəzərov İsmət Ramiz oğlu yaralanıb.
Yaralıya ilkin tibbi yardım göstərilib və o, hərbi tibb müəssisəsinə təxliyə olunub. Onun həyatı üçün təhlükə yoxdur”, - deyə məlumatda bildirilib.
“Azərbaycan ordusunun bölmələri qətiyyətli cavab tədbirləri görür. Bəyan edirik ki, Ermənistan tərəfinin törətdiyi təxribatların nəticələrinə görə bütün məsuliyyət Ermənistanın hərbi-siyasi rəhbərliyinin üzərindədir”, - Müdafiə Nazirliyindən bildirilib.
Azərbaycan Müdafiə Nazirliyi həmçinin tədarük marşrutlarında və Azərbaycan Ordusunun Qarabağdakı döyüş mövqelərinə yaxın ərazilərdə texniki müşahidə və dinləmə cihazlarının zərərsizləşdirilməsi barədə məlumat yayıb.
Avqustun 21-də Azərbaycan hərbçilərinin təhlükəsizliyinin təmin edilməsi istiqamətində həyata keçirilən tədbirlər nəticəsində Ermənistan silahlı birləşmələrinə məxsus 30-a qədər texniki müşahidə və dinləmə avadanlığı sıradan çıxarılıb.
Öz növbəsində Ermənistan Müdafiə Nazirliyi Azərbaycan tərəfinin dövlətlərarası sərhədin cənub hissəsində açdığı atəş nəticəsində bir erməni əsgərinin həlak olduğunu bildirib. 06В
Siyasət
-
Progress & Change Action Lab beynəlxalq qeyri-hökumət təşkilatının prezidenti Florian Irminger Birləşmiş Millətlər Təşkilatının İqlim Dəyişikliyi üzrə Çərçivə Konvensiyasının icra katibi Simon Stilə məktub göndərib. Məktubda deyilir:
-
Azərbaycan pasportu 2024-cü ilin birinci yarısı üçün Henley& Partners pasport indeksində 69-cü yerə yüksəlməklə nəzərəçarpacaq dərəcədə yaxşılaşıb. Pasport sahiblərinə təqdim olunan vizasız istiqamətlərin hesablanması yoluyla qlobal mobilliyi qiymətləndirən bu indeks beynəlxalq səyahətlər azadlığı sahəsində Azərbaycanın irəlilyişini önə çəkir.
-
Keçmiş diplomat Emin İbrahimov 3-cü gündür ki, Şüvəlan İstintaq Təcridxanasında aclıq edir. O, əsassız həbs olunmasına etiraz edir.
-
1-ci qrup əlil, həbsdə saxlanılan ictimai fəal Famil Xəlilovun cinayət işi üzrə ibtidai istintaq başa çatıb. Bu gün, iyulun 26-da müstəntiq istintaq təcridxanasına gedib ibtidai istintaqın başa çatdığını elan edəcək və müdafiə tərəfi cinayət işinin materilaları ilə tanış olmağa başlayacaq. Bu barədə vəkil Fəxrəddin Mehdiyev bildirib.
Rəy yaz