Açiq mənbələrdən foto.
Bakı/29.08.23/Turan: Ötən axşam Xankəndinin mərkəzi meydanında kortəbii mitinq keçirilib. Yerli erməni əhali "prezident" Araik Arutyunyandan Laçın yolunun açılması məsələsinin həllini tələb edib.
Eyni zamanda, bu məsələ Arutyunyanın öz iqamətgahında keçirdiyi "Təhlükəsizlik Şurası"nın iclasında müzakirə edilib.
6 saatlıq iclasdan sonra Arutyunyan toplaşanların qarşısına çıxaraq bildirib ki, üç məsələ müzakirə edilib - "Laçın" sərhəd məntəqəsində saxlanılan üç gəncin taleyi, ərzaq təminatı və yolun açılması (Ağdam vasitəsilə), Arutyunyanın istefası.
Onun sözlərinə görə, razılıq əldə etmək mümkün olmayıb. "Biz bu vəziyyətə ona görə gəldik ki, hər kəsə – supergüclərə, Birləşmiş Millətlər Təşkilatına inanırdıq."
Eyni zamanda, o vəd edib ki, qida məhsulları problemi bir neçə gündə həll ediləcək. Lakin bunun hansı şəkildə olacağını açıqlamayıb.
Sonda deyib ki, "lazım gələrsə" istefa verməyə hazırdır.
Arutyunyan Bakı ilə gizli danışıqlar aparması ilə bağlı toplaşanların ittihamlarına cavab olaraq bildirib ki, heç bir gizli razılaşma yoxdur. 02B
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz