Araik Rubeni öz postundan kənarlaşdıracaqmı?

Bakı/22.02.23/Turan: Son günlər Ermənistanda və Qarabağda Ruben Varadanyanın "Qarabağın dövlət naziri" postundan kənarlaşdırılması məsələsi aktuallaşıb.

Bəzi telekanallar iddia edirlər ki, yaxın vaxtlarda "prezident" Araik Arutyunyan onun işdən çıxarılması haqqında fərman imzalayacaq.

Həmin mənbələrə görə, hazırda "Qarabağın baş prokuroru" postunu tutan Qurgen Nersisyan yeni "dövlət naziri" olacaq.

Nersinyan özü ona belə bir təklif edildiyini təsdiqləyib, lakin hələ qərar verməyib.

Öz növbəsində Ruben Vardanyan işarə edib ki, könüllü olaraq istefa verməyəcək. Bunu bu gün onun müşaviri Mesrop Arkalyan da təsdiqləyib.

“Vardanyan istefa verməyəcək, vəzifədən azad ediləcəyi təqdirdə isə Arsaxı tərk etməyəcək", - o, “Svoboda” radiostansiyasına bildirib.

"Hər hansı  siyasi dəyişikliyin olub-olmamasından asılı olmayaraq, Ruben Vardanyanın Arsaxa sədaqəti dəyişməz qalacaq və o, mövcud çağırışlara müqavimət göstərmək üçün hər şeyi edəcək",- Arakelyan deyib. 02D