Arif Hacılı Müsavat Partiyasının yeni başqanı oldu (YENİLƏNİB)

Arif Hacılı Müsavat Partiyasının yeni başqanı secilib.  449 nəfər gizli  səsvermədə iştirak edib. Bülletenlərdən 2-si etibarsız sayılıb. Yerdə qalan 448 nəfərdən 228-i Arif Hacılıya səs verib. Beləliklə, Arif Hacılı Müsavat Partiyasının yeni başqanı oldu. Namizədlərdən Qubad İbadoğlu 200, Tural Abbaslı isə 19 səs alıb.

Daha bir iddiacı Səxavət Əlisoy səsvermədən oncə namizədliyini geri götürüb.-0-

2014 Sentyabr 27 (Şəmbə) 13:57:16

Müsavat Partiyasının rəhbəri İsa Qəmbər partiyanın VIII qurultayındakı hesabat məruzəsində siyasi məhbusları salamlayıb. O qeyd edib ki, hazırda ölkə həbsxanalarında 100-dən çox siyasi məhbus var. Onlar Müsavat, Xalq Cəbhəsi partiyaları, NİDA hərəkatı və digər təşkilatların üzvləridir.

İ.Qəmbərin fikrincə, hakim rejim jurnalistlərin həbsindən”zövq” alır.

O, Sülh və Demokratiya İnstitutunun direktoru Leyla Yunusa qarşı işgəncələri pisləyərək “hakimiyyətin şərəfsizliyi” adlandırıb.

Müsavat Partiyasının fəaliyyətnə toxunan İ.Qəmbər qeyd edib ki, partiya dünyada 100 illik tarixə malik, gizli və xaridə fəaliyyət göstərən azsaylı təşkilatlardan biridir.

Ölkənin müstəqilliyi bərpa olunduqdan sonrakı dövrdə Müsavat Partiyasının 22 illik fəaliyyətindən danışan İ.Qəmbər deyib ki, bəzən partiyanı hakimiyyətə gələ bilməməkdə qınayırlar.

“Müsavat müxalifət partiyalarının avtoritar rejimlərdə etdiyi bütün şeyləri bu illər ərzində edib”, - o vurğulayıb.

“Bu gün ölkənin üzərini ayı gölgəsi alıb. Bu ölkə daxilində İlham Əliyevin rəhbərliyi ilə oliqarxiya rejimidir. Beynəlxalq arenada bu,  demokratiyanın inkişafına və azadlıqların genişlənməsinə mane olan Rusiya ayısıdır. “Azərbaycan bu ayının qarşısında eyni masanın  arxasında əyləşir” deyən İ.Qəmbər dövlət başçısının Vladimir Jirinovskini qəbul etməsinə işarə edib.

 “Onlar Azərbaycan xalqını qoyun adlandıran insanla bir masa arxasında əyləşir. Görünür, özlərinin də  xalqa  münasibəti belədir”.

İ.Qəmbər qeyd edib ki, 1993-cü ildə hərbi qiyam Azərbaycanın müstəqilliyini məhdudlaşdırmaq üçün Rusiya tərəfindən  təhrik edilib. 2003-cü ildə prezident seçkilərindən sonra səsvermənin saxtalaşdırılması və etirazçılara qarşı repressiyalar baş verib.

İ.Qəmbər beynəlxalq birliyi Azərbaycan və Ermənistan kimi ölkələrdə avtoritar rejimlərə qarşı seyrçi mövqe tutmaqda qınayıb.

Qarabağ nizamlanmasına toxunan İ.Qəmbər deyib ki, Azərbaycan xalqı ölkə hakimiyyətinə təslimçi sülhə getməyə imkan verməyəcək.

Qarabağın azadlığı yolu Azərbaycanın Avroatlantika birliyinə inteqrasiyasından və demokratiyanın çiçəklənməsindən keçir.

İ.Qəmbər sonra deyib ki, Müsavat Partiyası yeni sədrini seçəcək və indiki hakimiyyətdən fərqli olaraq bir şəxsin iki ildən hakimyyətdə olmaması ilə bağlı demokratik prosedurlara əməl olunduğunu nümunə göstərəcək.06D-

2014 Sentyabr 27 (Şəmbə) 12:12:30

Əmircan qəsəbəsində Səttar Bəhlulzadə adına Mədəniyyət Evində Müsavat Partiyasının VIII qurultayı açılıb.

Foruma partiyanın 84 rayon, şəhər, gənclər və qadın təşkilatlarından 587 nümayəndə seçilib. Qurultayın işində 450-dən çox nümayəndə iştirak edir.

Qurultaya partiya sədri İsa Qəmbər rəhbərlik edir. Rəyasət Heyətində Türkiyədə fəaliyyət göstərən Azərbaycan Mədəniyyət Cəmiyyətinin sədri Cəmil Ünal da var.

Bu təşkilat SSRİ vaxtında sürgündə Müsavat Partiyasının funksiyasını yerinə yetirib.

Qurultayın gündəliyinə İ.Qəmbərin ictimai-siyasi vəziyyətə dair hesabatı, Nəzarət-Təftiş Komissiyasının hesabatı, partiyaya yeni rəhbər orqanların seçkiləri, sədr seçkisi daxildir.

Partiya sədri postuna Mərkəzi Aparatın rəhbəri Arif Hacılı, İdarə Heyətinini üzvü Qubad İbadoğlu və partiya rəhbərinin iki müşaviri - Tural Abbaslı və Səxavət Əlisoyun namizədliyi irəli sürülüb.

Partiyanın əvvəlki qurultayı 2006-cı ildə keçirilib.

Müsavat Partiyanı 1911-ci ildə Məmmədəmin Rəsulzadə və onun tərəfdaşları təsis ediblər.

1917-1918-ci illərdə partiya ölkədə milli-demokratik hərəkata rəhbərlik edib, Azərbaycan Xalq Cümhuriyyətinin elan olunmasında mühüm rol oynayıb (1918-20-ci illər).

Sovet dövründə təşkilat mürtəce-milliyyətçi, burjuaziya partiyası hesab olunurdu.—0D06-